Спорт
Русија без Швед, но со силен тим против Македонија
Селекторот на кошаркарската репрезентација на Русија Сергеј Базаревич нема да може да смета на сите играчи кои настапуваат во Евролигата за натпреварите против Италија и Македонија во квалификациите за пласман на Европското првенство во 2021 година.
Русија оваа сезона има три тима во Евролигата: ЦСКА, Зенит и Химки. Неколкумина важни играчи за репрезентацијата играат во овие екипи. Клубовите за квалификациите ќе ослободат од обврските само дел од нив.
Овие натпревари ќе ги пропушти најдобриот руски играч Алексеј Швед. Покрај него Химки нема да го пуптат во репрезентацијата ниту плејмејкерот Вјачеслав Зајцев. ЦСКА ќе им дозволи да се појавата на репрезентативните подготовки на Андреј Воронцевич, Михаил Кулагин и Џоел Боломбој, додека нема да го пуштат крилниот центар Никита Курбанов.
Од Зенит потврдиле дека за репрезентацијата нема да игра плејмејкерот Дмитри Хвостов, додека „зелено светло“ од клубот добиле Андреј Зубков и Владислав Трушкин.
Русите на овој начин им дозволија на поголемиот дел на кошаркарите кои играат во Евролигата да настапат за националниот тим во перидот кога ЦСКА, Химки и Зенит ќе играат натпревари во Евролигата.
Русија на 20 февруари ќе гостува кај Италија во Неапол, додека три дена подоцна ќе ја пречека Македонија во Перм.
Во репрезентацијата на Русија за овие натпревари ќе бидат: Евгениј Бабурн, Максим Григориев, Денис, Захаров, Дмитри Кулагин, Михаил Кулагин. Григориј Мотовилов, Андреј Сопин, Виталиј Фридзон, Иван Стребков, Семјон Антонов, Никита Балашов, Евгениј Валиев, Андреј Воронцевич, Владислав Трушкин, Павел Антонов, Антон Астапкович, Џоел Боломбој, Артјом Забелин, Владимир Иљев и Артјом Клименко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.