Спорт
Роналдо: Не сакав да си заминам од Барселона, тие ме избркаа
Легендата на бразилскиот фудбал, Роналдо, открива дека никогаш не помислил да замине од Барселона во 1997 година, и дека имал склучено нов договор со каталонскиот клуб, пред да дојде трансферот во Интер.
Роналдо помина само една година на „Ноу Камп“, во која го покажа својот неверојатен талент, но поранешниот претседател на Барселона, Жоан Гаспарт претходно призна дека тогашната рекордна понуда од 27 милиони долари била едноставно предобра да се пропушти. Роналдо, така, наместо да стане легенда на Барселона, потоа се врати во Шпанија како фудбалер на вечниот ривал, Реал Мадрид.
„Имав потпишано договор за обновување на крајот на сезоната и заминав со националниот тим. Пет дена подоцна тие ми се јавија дека не можат да продолжат со обновување на договорот. Тоа не беше моја одлука, јас сакав да останам. Кога клубот не ме ценеше колку што треба, одлуката не беше моја“, вели Роналдо за „ДАЗН“.
Реал го врати во Шпанија во 2002 година во славната „галактикос“ ера на клубот од Мадрид, каде што во 177 настапи имаше 104 гола.
„Играв покрај Роберто Карлос за репрезентацијата и тој ми кажуваше за тоа што претставува Мадрид и што искусил таму. Тоа ми остана во умот и по неколку години го видов со сопствени очи. Беше уште поголемо од тоа што го кажуваше Роберто, поголемо од тоа што можев да го замислам. Имаше големи очекувања и голем притисок, но и најдобрите фудбалери на светот. На крајот покажавме добро шоу, имавме победничка генерација која го смени фудбалскиот бизнис“, вели Роналдо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Алек Ѓорѓиевски, млада надеж во македонскиот 3×3 баскет
Алек Ѓорѓиевски кој е роден 20.11.2000 во Скопје на 9 години почнува да тренира кошарка во клубот “Соколи Карпош”. За две години преминува во клубот “КК Вардар” под водство на тренерот Владимир Мирковски, каде што игра до 14 години. Од “КК Вардар” добива понуда да игра за “ШКК Звездара” под водство на тренерот Стефан Коканович во Србија-Белград, каде игра четири години.
Додека игра за “ШКК Звездара” присуствува во младинска репрезентација на Македонија. Од ШКК Звездара преминува во “КК Куманово 2009” каде игра една сезона и потоа се одлучува да почне да игра 3×3 Баскет. Започнува во екипата “Solution X3” благодарение на Бојан Борисовски, Стефан Трајковски и Огнен Ивановски, каде што учествува на Македонски и интернационални турнири во: Србија, Црна Гора, Грција и Бугарија.
По извесен период е повикан од Македонската репрезентација 3×3 на селективни тренинзи. Во меѓувреме забележан е од повеќе екипи од Р.Србија, каде и го повикуваат да игра за нив.
Во следниот период игра и за дел од нив, 3×3 Палкис на повик од Драган Потич, 3×3 Aтлантик, 3х3 Избачени Ван Рекета, 3×3 KG Wild Boars на повик од Златан Оманович.
Во иднина се гледа да учествува на турнири на високо ниво како што се Ворлд Тур и Челинџер.
Спорт
Македонија против Шведска утре игра на ЕП
Фото/ macedoniahandball.com.mk
Европското првенство во ракомет за жени почнува утре во Унгарија, Австрија и Швајцарија, Македонија утре од 20.30 часот во Дебрецен против репрезентацијата на Шведска ќе го одигра првиот натпревар во Групата А.
На овогодинешното Европско првенство, кое ќе трае до 15 декември, за првпат ќе учествуваат 24 репрезентации.
Македонските ракометарки покрај Шведска во Групата А за противнички ги имаат домаќинот Унгарија и Турција. Овие две селекции, утре од 18 часот ќе го одиграат својот натпревар.
Во Дебрецен се игра и Б групата, во која се Црна Гора, Романија, Србија и Чешка. Во
групата Ц (Базел) ќе играат Франција, Шпанија, Полска и Португалија, а во групата Д (Базел) Данска, Швајцарија, Хрватска и Фарските Острови.
Во групата Е (Инсбрук) ќе бидат Норвешка, Австрија, Словенија и Словачка, додека во групата Ф (Инсбрук) ќе се натпреваруваат Холандија, Германија, Исланд и Украина. П
Пласман во втората фаза на ЕП ќе обезбедатт двете најдобро пласирани селекции од секоја група. Втората фаза на ЕП ќе се игра во Дебрецен и Виена.
Титулата на континенталниот шампионат ја брани селекцијата на Норвешка која пред две години во финалето на ЕП ја совлада Данска со 27:25.
Спорт
Ферстапен: Во Мекларен ќе ја освоев титулата многу порано
Макс Ферстапен, четирикратниот шампион во Формула 1, за време на прославата на титулата изјави дека многу побрзо и полесно би ја освоил шампионската титула во болидот на Мекларен.
Титулата ја обезбеди на две трки пред крајот, по трката во Лас Вегас, во период во кој побрзите конкуренти од Мекларен и Ферари ја ставија во прашање превласта на Ред Бул.
„Многу сум горд. Во 70 проценти од сезоната го немавме најбрзиот болид, па дури успеавме да ја зголемиме предноста во однос на нашите ривали“, изјави Макс за „Скај Спортс“.
„Ваквите работи само повеќе ме мотивираат. Луѓето постојано ги предизвикуваат моите достигнувања и постојано слушам приказни дека можам да победам само во најбрзиот болид, но јас го докажав спротивното. Ако сега не ме препознаат, не знам кога ќе ме препознаат. Дали би ја освоил титулата со Мекларен? Апсолутно, и многу порано“.
Ова беше четврта последователна титула за Ферстапен. Досега победи на осум трки, но во последните 12 трки има само една победа.