Македонија
Студенти од Правниот факултет присуствуваа на потпишувањето на указот за членството во НАТО
![](https://makfax.com.mk/wp-content/uploads/2020/02/Foto-6-2.jpg)
Студенти од политички студии на Правниот факултет „Јустинијан Први“ од Скопје го посетија кабинетот на претседателот на Република Северна Македонија во рамките на активноста „Отворен кабинет“. Студентите од Универзитетот „Св. Кирил и Методиј“ имаа можност да се сретнат со претседателот Пендаровски и непосредно да поразговараат за неговите активности и надлежности, да ги посетат просториите во кои се реализираат официјалните и работните средби, како и салите за свечености, состаноци, настани и прес-конференции.
За време посетата на кабинетот, студентите беа запознаени и со историјатот на вилата „Водно“, со дел од активностите што се реализираат, како и со начинот на функционирање на оваа институција.
Во согласност со воспоставената практика во кабинетот – граѓаните да присуствуваат на настани од јавен карактер, денеска студентите имаа можност да присуствуваат на еден историски чин, потпишувањето на указот за прогласување на Законот за ратификацијата на северноатлантскиот договор.
Денешната посета на вилата „Водно“ е во рамките на „Отворен кабинет“, активност што овозможува директни средби на граѓаните со претседателот Стево Пендаровски. Сите заинтересирани граѓани, институции и организации, со претходно пријавување на официјалната интернет-страница на претседателот http://pretsedatel.mk/otvoren-kabinet/, имаат можност да остварат директна комуникација со претседателот Пендаровски, да споделат свои идеи, предлози и сугестии, како и да присуствуваат на настани од јавен карактер, кои ќе бидат реализирани во кабинетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.
Македонија
Гори стан во Скопје, пожарни се упатија кон местото, извести ЦУК
![](https://makfax.com.mk/wp-content/uploads/2023/12/pozarna-pozar.jpg)
Директорот на ЦУК, Стојанче Ангелов извести дека гори стан во зграда кај старо матично.
„Од 112 добиена е пријава дека има пожар во стан на посочената адреса. Локацијата е улица Виа Игнација 8, Скопје. Известени се екипи од Територијална противпожарна бригада на Град Скопје“, информира Ангелов.