Спорт
Гвардиола: Веќе не сум најдобриот тренер на светот, не би освоил ништо со друг клуб
Пеп Гвардиола тврди дека иако порано можеби бил сметан за најдобриот фудбалски тренер на светот, веќе не може да се пофали со таков епитет, посочувајќи дека не би освоил ништо со клуб со помал буџет од Манчестер сити.
Каталонецот освои осум лигашки титули со Барселона, Баерн Минхен и Манчестер сити и двапати го креваше трофејот од ЛШ со Барса, но сега вели дека само поради тоа што е тренер на богат клуб како Сити може да освојува титули.
„Бев најдобар. Барем така велеа. Што е тоа најдобар тренер на светот? Јас никогаш не чувствував дека сум најдобар, никогаш во животот. Кога освоив шест титули во низа со Барселона и тројни титули, не го чувствував тоа. Победував бидејќи имав неверојатни фудбалери во големи клубови. Јас сум добар тренер, но не најдобриот. Дадете ми тим кој не е како Манчестер сити, нема да победувам“, вели Гвардиола во интервју за „Скај спорт“.
Тој исто така зборуваше и за главните ривали оваа сезона, Ливерпул, кои им избегаа на табелата и се актуелни европски шампиони.
„Ливерпул потрошија четири-пет години за да стигнет до првиот трофеј. Тоа беше процес. Нови фудбалери, инвестиции и сега го имаат најдобриот тим на светот. Понекогаш луѓето мислат дека ако сте Пеп или Јирген, или друго големо име треба да ги освојуваш сите титули со 2.000 милиони поени и 2.000 милиони голови. Понекогаш тоа не е можно, дали поради конкуренцијата, дали поради други услови. Никогаш во ниту еден спорт нема тим кој освојува сѐ секоја година“, објаснува Пеп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.
Спорт
(Видео) Брејк на Минесота во Денвер
Актуелните шампиони Денвер Нагетс, со пораз ја започнаа полуфиналната серија во Западната конференција. Во „Бол арена“, Дебевер доживеа пораз од Минесота Тимбервулвс 99:106.
Денвер одигра далеку под просекот, со лоши проценти на реализиција и Вулвс апсолутно заслужено победија.
Јокиќ постигна 32 поени, имаше осум скока и девет асистенции, но загуби и седум топки, притоа шутираше 11/25 од поле.
Ниту Џамал Мареј не се прослави во шутот со 6/14 и 17 поени, додека Портер Јуниор натпреварот го заврши со 20 поени, со реализација 6/13.
Кај гостите од Минесота се истакна Ентони Едвардс со 43 поени, Таунс постигна 20, но многу важна улога имаше Наз Рид со 16 поени, од кои 14 во последниот дел, како и Руди Гобер со два многу важни коша во клучните моменти од натпреварот.
Едвардс стана вториот играч на 22-годишна возраст или помлад, по Коби Брајант, кој има два последователни натпревари во плејофот со повеќе од 40 поени.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024