Македонија
(Видео) Стоилковски: Антикорупциска најскоро да се огласи за „Касарната“ на Филипче

На Водно се издига споменикот на рекетот и корупцијата на сметка на жолтицата, шугата и сипаниците, болестите во Македонија од минатиот век. Здравството колабира од скандали и корупциски афери и злоупотреби. Ама за ДКСК тука нема случај, обвини портпаролот на ВМРО-ДПМНЕ, Наум Стоилковски.
„Ова тело зад мене, овој спектакуларно избран орган за заштита од корупцијата, за здравството нема ниту збор. За здравството, за коешто нема недела да нема нов скандал, ама за ДКСК нема основи за работа.
Исто како што за илјадниците предизборни вработувања во администрацијата, што е најотворен изборен поткуп, ДКСК бега од случајот од Касарната на Филипче на Водно, па издава небулозни соопштенија. Антикорупциската комисија се уште ќе проверувала дали има основа да поведе постапка. А што е нивна работа освен брзо да ги проверуваат ваквите случаи? Семејство на министер гради таканаречена касарна заедно со негов редовен тендераш вреден седум милиони евра.
Единствениот отворен случај за здравството беа набавките татко- ќерка за болницата на Хематологија, отворен на 9 мај лани. И јас не слушнав Одлука, не слушнав решение за овој случај.
Ќе потсетам , на истиот ден кога се отвори истрага за Хематологија, ДКСК сама го отвори и Струмички Глобал за Заев и за тоа уште нема ништо. Во таа насока, во кој дел во изборната кампања би можело да се очекува да произнесат за Глобал или пак за набавките за Хематологија?
Ова го прашувам врз искуството со нив кога отвораат и кога затвораат предмети.
Доколку антикорупциска не се огласи најскоро за градбата на таканаречената „Касарна“ на Филипче, огромно здание заеднички градено од редовен добитник на милионски тендери во здравството и мајката на сопругата на министерот Венко Филипче, и антикорупционерите се вградуваат како дел од Споменикот на рекетот и корупцијата наречен Касарната на Филипче“ порача Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За три дена, 109 повредени од Кочани доставиле барања и предлози на телефонската линија на Владата

109 граѓани за три дена од пуштање на телефонската линија за повредените лица и нивните семејства, која е во директна комуникација со Канцеларијата на Ппретседателот на Владата, ја искористиле можноста и доставиле свои барања и предлози, соопштија од Владата.
Од таму велат дека тоа покажува дека оваа телефонска линија дава резултат и дека Владата е отворена за секаква сугестија и идеја.
„Како Влада преку низа на мерки помагаме за помош на повредените и нивните семејства. Ова е заедничка борба и нема да отстапиме од неа, бидејќи секој граѓанин има право на соодветна здравствена заштита и медицинска нега, токму поради тоа како Влада донесовме одлука за рехабилитација во Пониква на повредените лица кои се во стабилна здравствена состојба, но им е потребна дополнителна медицинска услуга. Тим на лекари од 10 јуни до 20 август во рехабилитацискиот центар Пониква на сите лица ќе им пружат дополнителна медицинска грижа, но и психолошка поддршка“, велат од Владата.
Од таму ги повикуваат и ги охрабруваат сите повредени лица кои се засегнати да се јават на телефонскиот број 070/355-526 и да ги изразат своите барања и потреби.
Македонија
Сончево време, попладне локален дожд

Времето денеска ќе биде сончево со мала до умерена облачност. Попладне ќе има услови за локален развој на нестабилна облачност со пороен дожд и грмежи. Ќе дува слаб ветер од променлив правец. Минималната температура ќе биде во интервал од 12 до 20, а максималната ќе достигне од 26 до 35 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 17, а максималната ќе достигне до 34 степени.
Од денеска следува период на стабилно и сончево време со мала до умерена локална облачност. Дневните температури ќе бидат без значителни промени.
Македонија
Мурал од балкански рис исцртан на фасадата на Театар Комедија

Со мурал од балкански рис и мала прослава, Македонското еколошко друштво вчера го прослави Светскиот ден на рисот.
„Конечно најдовме дом за муралот, најдовме и артист кој го нацрта, и најдовме човек кој има визија и кој е отворен за соработка, а тоа е директорот на Театар Комедија – Дарко Спасов. Целта ни е со овој мурал да ја подигнеме јавната свест, не само на рурално туку и на урбано ниво. Кога работите ќе згуснат ни треба секаква поддршка, од секоја популација“, изјави раководителот на Програмата за закрепнување на балканскиот рис, Диме Меловски.
Тој се заблагодари на поддршката од Театар Комедија и директорот Дарко Спасов.
„Велат исти птици во исто јато летаат“, вели директорот Спасов, кој го изрази своето задоволство од соработката со Македонското еколошко друштво.
Освен муралот на фасадата на Театар Комедија, пред објектот поставена е и инфо табла со основните податоци за рисот, како и QR код кој води до новата интернет страница посветена на балканскиот рис: balkanlynx.com.
По поздравните обраќања, присутните членови и соработници на МЕД, се упатија кон Бистро Комедија каде што во неформална атмосфера имаа прилика да поразговараат за досегашните постигнувања, но и да разменат идеи и предлози за идни активности.