Црна хроника
Три жртви во престрелка во трговски центар во САД

Три лица загинале, а пет се ранети, во престрелка во трговскиот центар „Columbia Mall“ во американската сојузна држава Мериленд, пренесува агенција AFP.
Полицијата во округот Хауард соопштила дека добила дојава за пукање во трговскиот центар околу пладне по локално време, а нејзините патроли кои пристигнале на местото на настанот „нашле тела на тројца загинати“. Се додава и дека покрај едниот од загинатите е пронајдено „оружје и муниција“. Полицијата не потврдува дали станува збор за убиецот кој извршил самоубиство или бил застрелан во престрелка со полицијата.
Локалната полиција апелирала до посетителите на трговскиот центар извесно време да останат на местата на коишто се нашле, бидејќи опасноста не е помината. Засега нема поединости за инцидентот, а американската телевизиска мрежа CBS News јавува дека од жртвите само едно лице е идентификувано, но неговиот идентитет полицијата засега не го соопштува.
Очевидец и полицијата потврделе дека е во трговскиот центар имало две престрелки. Повредените, според полицијата, се случајни минувачи и не биле директно поврзани со инцидентот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тешко повредена малолетничка во Скопје откако во неа удрил автомобил

Вчера околу 18.10 часот во СВР Скопје било пријавено дека на крстосница од ул.„Козле“ со ул.„Нерешка“ во Скопје, патничко возило „опел астра“ со скопски регистарски ознаки, управувано од 25-годишниот В.А. од Скопје удрило во малолетничка-пешак.
„Во несреќата со тешки телесни повреди се здобила малолетничката, констатирани во Комплексот клиники „Мајка Тереза“. Извршен бил увид од увидна екипа од СВР Скопје“, велат од МВР.
Црна хроника
Приведено лице во Штипско, управувал возило со 151 км/ч на место на кое е дозволено 80 км/ч

Вчера во 15.30 часот на експресен пат Штип – Кочани, кај село Крупиште, општина Карбинци, полициски службеници од Полициската станица за безбедност на патниот сообраќај Штип го лишиле од слобода А.М.(26) од Скопје, со живеалиште во Кочани.
При контрола во патниот сообраќај со уред за мерење брзина – радар надвор од населено место, било измерено дека тој управува патничко возило „фолксваген пасат“ со кочански регистарски ознаки со брзина од 151 километри на час на место каде што брзината е ограничена на 80 километри на час.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.
Црна хроника
Битолчанец и Британец жртви во сообраќајка на патот Битола – Прилеп, повреден е Индиец

На магистралниот пат Битола – Прилеп, денеска во 11.55 часот се случи сообраќајна несреќа меѓу патничко возило „дачиа” со скопски регистарски ознаки, управувано од Е.И.(37) од Битола, и товарно возило „ивеко” со битолски регистарски ознаки, управувано од Б.К.(29) од селото Обршани, Општина Кривогаштани.
Од СВР-Битола соопштија дека во несреќата, на местото на настанот почина возачот на патничкото возило Е.И. и сопатникот К.С.(42) од Велика Британија, а смртта ја констатираше доктор од Итна медицинска помош Битола.
Сопатникот во патничкото возило М.К.Д.Ј. од Индија е пренесен во Клиничка болница Битола за укажување на помош.
Увид во присуство на јавен обвинител врши увидната екипа на СВР Битола.