Спорт
Лауреус награди: Меси и Хамилтон ја поделија титулата, Сајмон Бајлс е најдобра спортистка
Американската гимнастичарка Сајмон Бајлс по третпат е прогласена за најдобра спортистка од страна на Лауреус спортската академија, додека во машка конкуренција дојде до интересна поделба на трофејот помеѓу шесткратниот Ф1 шампион Луис Хамилтон и шесткратниот освојувач на „Златната топка“, Лионел Меси.
22-годишната Бајлс ја продолжи својата супериорност во гимнастиката, освојувајќи пет златни медали на СП во Штутгарт минатата година за да стане најуспешната спортистка на ова натпреварување.
„Ова ми значи толку многу. Благодарам на моите пријатели и на пријателите“, изјави Бајлс со видео-порака од Хјустон, каде што тренира за Олимпијадата во Токио во 2020.
35-годишниот Хамилтон доминираше со Мерцедес и ја освои својата шеста титула, додека 32-годишниот Меси ја предводеше Барселона до трофејот од Ла лига, негов 10-ти во кариерата. Меси е првиот фудбалер со оваа награда. Хамилтон својот говор го искористи за да побара поголема разноликост во Формула 1.
„Пораснав во спорт кој ми даде значење на животот. Но, исто така пораснав во спорт во кој нема многу различности. Наша одговорност е да бараме родова еднаквост и инклузивност“, изјави Хамилтон.
За најдобар тим во 2019 година е прогласена јужноафриканската репрезентација во рагби, популарните „Спрингбокс“, кои го освои Светскиот куп, додека награда за животно остварување на домашен терен во Берлин доби НБА легендата Дирк Новицки.
Софи Флерш, Ф2 тркачката која имаше хорор-судир пред една година во Макау, но лани се врати на тркањето ја доби наградата за кам-бек на годината, додека Колумбиецот Еган Бернал е добитник на наградата за пробив на годината по неговиот триумф на најелитната велосипедска трка, Тур де Франс.
Thank you @LaureusSport for this incredible award of World Sportsman of the Year. To think that my name is going to slot in alongside the legends, who have won this award before me, is really humbling. Thank you again ?? pic.twitter.com/XqYynmgQ2P
— Lewis Hamilton (@LewisHamilton) February 17, 2020
Lionel Messi becomes the first footballer to receive the #Laureus20 World Sportsman of the Year award ?
?? Here's what it means to the @FCBarcelona star & reigning #TheBest FIFA Men's Player ? https://t.co/0bCx57zeyp
— FIFA.com (@FIFAcom) February 17, 2020
Giving so much to the game of basketball throughout his illustrious career, @swish41 earns the Laureus Lifetime Achievement Award ? ?
And it’s a pleasure to give the legend his award in his home country ??#Laureus20 #SportUnitesUs pic.twitter.com/bw6GNo4yaA
— Laureus (@LaureusSport) February 17, 2020
An incredible Rugby World Cup triumph which showed the unique power of sport to unite ?
Congratulations @Springboks on winning the Laureus World Team of the Year ??#Laureus20 #SportUnitesUs pic.twitter.com/MHOupckGv4
— Laureus (@LaureusSport) February 17, 2020
Never fear Mystic Laureus Academy member Michael Johnson is here… ?@Simone_Biles we can't hear you but we'll assume your practising…"
"I'm going to assume she said it's amazing, it's fantastic…"#Laureus20 pic.twitter.com/JNsFjRPJgj
— Laureus (@LaureusSport) February 17, 2020
Congratulations @Eganbernal who has won the @LaureusSport World Breakthrough of the Year award ?? #Laureus20 pic.twitter.com/NPd1M8jMXM
— Team INEOS (@TeamINEOS) February 17, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.
Спорт
Почина легендарниот Аргентинец, Цезар Луис Меноти
Аргентинскиот фудбалски тренер Цезар Луис Меноти почина на 85-годишна возраст, соопшти аргентинскиот фудбалски сојуз.
Меноти, познат и како „Ел Флако“ (Слабиот), го освои Светското првенство во фудбал во 1978 година како селектор на Аргентина.
Роден е во градот Росарио, а најголемиот дел од својата кариера го помина во истоимениот клуб. Играше и за Бока Јуниорс.
Како тренер, меѓу другите ги водеше Њуелс Олд Бојс од Росарио, Бока Јуниорс, Ривер Плата, Атлетико Мадрид, Барселона и Индепендиенте, а покрај сениорскиот тим беше селектор и на аргентинската репрезентација под 20 години, како и Мексико.
Меноти последниот месец го помина во болница поради анемија.
Шпанска „Марка“, наведува дека Меноти како тренер ја пропагирал идејата за фудбалот како уметнички израз, наспроти „биладиризмот“, кој го имплементирал аргентинскиот тренер Карлос Билардо, а кој вклучувал користење на сите достапни сегменти од играта за да се постигне победа по секоја цена.
Спорт
Ферстапен за Норис: Ова нема да биде неговата последна победа
Втор пат во 2024 година, Макс Ферстапен не триумфираше на една од трките во Формула 1 шампионатот Холанѓанецот мораше да се откаже во Австралија поради проблеми со сопирачките (победи Карлос Саинц), а во неделата вечерта во Мајами, шампионот беше поразен од Британецот Ландо Норис.
Норис ја постигна првата победа во својата 110. трка во кариерата, а по тој повод зборуваше и Ферстапен.
„Понекогаш победуваш, а понекогаш губиш. Сите сме навикнати на тоа во тркачкиот свет, нели? Денеска ми беше малку проблематично. Дури и на мидиум пневматиците не се чувствував удобно. Правевме предност но не на востонски начин. Кога слушнав како Мекларен поминува во боксот, помислив: „Леле, тоа е навистина брзо“. Тој леташе. Тој дел беше навистина тежок за нас“, изјави Макс Ферстапен по трката.
„Многу сум среќен за Ландо. Долго чекаше на оваа победа, а нема да му биде последна. Дефинитивно го заслужи триумфот“, изјави актуелниот шампион во Формула 1.
На прашањето дали оваа трка е одраз на вистинската брзина на надградениот болид на Мекларен, Ферстапен одговори:
„Се надевам дека не!
Во генералниот поредок води Верстапен со 136 бодови, пред Перез со 101, додека Леклер е трет со 98.
Овогодинешниот шампионат во Формула 1 продолжува со Големата награда на Емилија Ромања на патеката „Енцо и Дино Ферари“ од 17 до 19 мај.