Свет
(Видео) Деветмина убиени во пукање во близина на Франкфурт, напаѓачот е пронајден мртов
Најмалку девет лица се убиени, а петмина се повредени во вооружен инцидент во германскиот град Ханау во близина на Франкфурт. Полицијата соопшти дека напаѓачот е пронајден мртов во својот дом. Специјалните полициски сили пронајдоа уште еден труп во домот. Истрагата е во тек.
„Нема индикации дека биле вмешани и други осомничени. Еден од двајцата пронајдени мртви многу е веројатно дека е сторител“, соопшти полицијата на „Твитер“.
— Safahat (@SeloSays_DTG) February 19, 2020
Непознатите напаѓачи пукале врз гости во два „шиша“ бара во германскиот град Ханау. Полицијата засега нема точна бројка на загинати и ранети, ниту објаснување за мотивот на нападот. Најпрвин бил нападнат во бар во центарот на градот, а напаѓачот или напаѓачите потоа пукале во уште еден бар во друга градска населба. Локалните медиуми јавуваат за масовно полициско присуство во градот што го надлетуваат и хеликоптери.
Инцидентите се случија синоќа во 22 часот. Регионалниот портал „Форсрунг онлајн“ пренесува дека едно лице пукало кон минувачите од автомобил. Наводно, првин бил нападнат наргиле-барот „Миднајт“ во центарот на градот Ханау, каде што биле убиени три лица. Сторителот потоа се возел во Кеселштат и влегол во друг бар, „Арена бар и кафе“, каде што убил пет лица. Сведоци велат дека слушнале десетици истрели од огнено оружје.
Ханау е град со речиси 100.000 жители, на 25 километри од Франкфурт.
Од полицијата претпоставуваат дека напаѓачот извршил самоубиство во својот дом кога побегнал со темен автомобил, но мотивот за нападот е нејасен. „Билд“ пишува дека мажот е германски државјанин – во неговиот автомобил биле пронајдени муниција и оружје, како и списанија, а тој имал лиценца за ловечко оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.