Свет
Видео од бремена медицинска сестра во Вухан предизвика бес на социјалните мрежи
Видео на кое е прикажана медицинска сестра којашто се грижи за пациенти со коронавирус, во деветтиот месец од бременоста во болницата во Вухан, предизвика бес на социјалните мрежи.
Бројни луѓе го критикуваа раководството на болницата кое дозволило бремената жена да се приближи до заразените. Во коментарите, тие го осудуваат раководството за користење на бремена жена за пропаганда.
Станува збор за медицинската сестра Зао Ју, која работи во одделот за брза помош во болницата во Вухан. На снимката се гледа како таа шета по ходникот на болницата иако е во деветтиот месец од бременоста.
A 9 months pregnant nurse is still working at the frontline to cover the #WuhanCoronavirusOutbreak in China??
posted by @ChinaDaily Seems like they realised this isn’t a heroic story outside of China and they delete it! No applause for this nurse now? pic.twitter.com/Q6EfoSPVUb
— Happening Now (@HappeningNow__) February 19, 2020
Потоа е снимена додека зема примерок од маж, кој потоа бил пренесен во одделот за пациенти со треска. Една пациентка ја предупредува сестрата да се држи настрана од болните затоа што е премногу опасно.
Ју вели дека семејството е против нејзината работа во болницата. Сепак, бремената жена е убедена дека со својот пример придонесува во борбата против коронавирусот, пренесува Би-би-си.
Видеото, кое требаше да биде пример за храброст и пожртвуваност, беше осудено од страна на дел од јавноста. Сè повеќе се споменува дека станува збор за пропаганда од страна на кинеските власти.
„Можеме ли да го запреме ова? Кој одлучи да го сними ова? Бремените жени не треба да бидат во првите борбени редови“, се вели во еден коментар.
Коментаторите ги повикуваат властите да не користат вакви сцени за цели на политичка пропаганда.
„Порака како оваа е слепо заговарање жените да се борат со епидемијата без оглед на последиците. Тоа е навистина болно“, се наведува во коментар на социјалните мрежи.
Повеќе од 2.200 луѓе починаа од коронавирусот во Кина, а најголем број смртни случаи има во Вухан. Во моментов регистрирани се околу 75.000 заболени пациенти во Кина и околу 1.000 во остатокот од светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Казахстан онлајн се следи судењето на министерот кој до смрт ја претепа сопругата во ресторан
Судењето за убиство на поранешен висок политичар во Казахстан обвинет за претепување на неговата сопруга до смрт го привлече националното внимание и поттикна повици за нова легислатива за справување со семејното насилство. Убиството се случи во ноември минатата година.
За време на судењето на веб-страницата на судот беше прикажано шокантно видео на кое се гледа како казахстанскиот бизнисмен и поранешен министер за економија Куандик Бишимбаев (44) ја тепа својата сопруга во семеен ресторан, пишува „Скај њуз“.
Случајот ја шокираше јавноста бидејќи десетици илјади луѓе потпишаа петиција со која бараат нови закони што ќе спречат вакви случаи во иднина.
Судењето на Бишимбаев е прво во земјата што било емитувано онлајн – што го прави лесно достапно за 19 милиони луѓе во Казахстан. Поранешниот министер веќе беше познат бидејќи во 2018 година беше во затвор поради примање мито. Доби десетгодишна затворска казна, но беше помилуван, па помалку од две години беше зад решетки.
Бишимбаев е обвинет за мачење и убиство на својата сопруга по нејзината смрт во ноември минатата година. Тој со недели тврдеше дека е невин, но минатиот месец пред судот призна дека ја претепал и и’ предизвикал смрт, пишува „Скај њуз“
Неговата сопруга Салтанат Нукенова (31) беше пронајдена мртва во ноември минатата година во ресторан во сопственост на роднина на нејзиниот сопруг.
На вознемирувачко видео од видео надзор се гледа како обвинетиот, татко на четири деца, ја влече својата сопруга за коса, а потоа ја удира со раце и нозе. Жената починала од повреда на мозокот.
Адвокатите на Бишимбаев првично ги оспоруваа медицинските докази кои покажуваат дека Нукенова починала од повеќекратни удари во главата. Таа, исто така, беше прикажана како склона кон љубомора и насилство, иако ниту една од снимките од безбедносните камери на ресторанот прикажани на суд не покажа дека таа го напаѓа сопругот, пренесува Скај.
Според студијата од 2018 година поддржана од UN Women, околу 400 жени годишно умираат како резултат на семејно насилство во Казахстан, иако многу од нив остануваат непријавени.
Свет
Велика Британија почнува да го спроведува планот за депортирање на мигрантите во Руанда
Британските власти почнаа да ги задржуваат мигрантите за да ги подготват за депортација во Руанда во следните девет до 11 недели, објави владата, поставувајќи ја основата за водечката имиграциска политика на премиерот Риши Сунак.
Парламентот во април го одобри законот кој го отвора патот за испраќање на барателите на азил во Руанда доколку останат во Британија без дозвола, а Сунак сака првите летови за Руанда да полетаат веќе во јули.
Владата верува дека оваа политика ќе ги одврати луѓето од опасното патување преку Ла Манш
Досега оваа година повеќе од 7.500 мигранти пристигнале во Англија со брод од Франција. Владата верува дека оваа политика ќе ги одврати луѓето од опасното патување преку Ла Манш. Минатата недела, на пример, пет лица загинаа обидувајќи се да го преминат опасниот канал.
Добротворните организации за човекови права и синдикатите кои се противат на политиката се очекува да започнат нови правни потези за да спречат авионите да полетаат во Руанда, откако Врховниот суд на ОК минатата година ја прогласи политиката за незаконска.
Портпаролот на организацијата рече дека нивната линија за помош примила повици од „неколку десетици луѓе“ кои сè уште не знаат кој е одреден за депортација во првите летови или кога тие ќе почнат да се спроведуваат.
Свет
Во поплавите во Бразил загинаа осум лица, а 21 се исчезнати
Осум лица загинаа, а 21 се водат како исчезнати во поплавите предизвикани од обилните дождови во државата Рио Гранде до Сул во јужен Бразил.
Над 1.400 жители се раселени поради невремето што доведе до пораст на нивото на водата и поплави во 104 општини, пренесува Ројтерс.
Гувернерот Едуардо Леите изјави дека државата работи на пронаоѓање на исчезнати лица и за обезбедување на безбедноста на оние во загрозените области.