Свет
Трамп: Имаме толку многу проблеми со Јужна Кореја, а тие им даваат „Оскар“
Американскиот претседател Доналд Трамп ја критикуваше Американската филмска академија за доделувањето на Оскар за најдобар филм на „Паразит“ на Јужна Кореја, наведувајќи дека тоа е земја со која Америка има „доволно трговски проблеми“.
„Што по ѓаволите се случи таму? Имаме доволно проблеми со Јужна Кореја во трговијата и згора на тоа тие се наградени за најдобар филм на годината. Дали е добар? Не би знаел“, рече Трамп на предизборниот митинг во Колорадо, пренесе АП.
„Вратете ни ги назад ’Однесено од виорот ’, ‘Булеварот на самракот’, толку големи филмови“, додаде Трамп.
Филмот „Паразит“ инаку, во американските киносали беше прикажан несинхронизирано, на оригинален јазик со превод.
Дистрибутерот на филмот со седиште во САД, „Неон“, одговори на „Твитер“ на критиките на Трамп: „Тоа е разбирливо. Тој не знае да чита“.
Филмот на Бонг Џун-хо освои четири награди на Оскарите, вклучувајќи ја и наградата за најдобар филм.
Исто така, Хо доби „Оскар“ за режија, сценарио и странски филм и со тоа стана апсолутен победник во Холивуд.
Ова е првпат во историјата на Оскарите, еден азиски филм да биде во потесен избор за најдобар филм на годината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.