Свет
Русија негира дека шири дезинформации за вмешаност на САД во ширењето на коронавирусот
Русија строго ги негираше тврдењата дека шири дезинформации за појавата на коронавирусот на социјалните медиуми.
Американски официјални претставници изјавија дека во руски извештаи на социјалните мрежи, неосновано се тврдело дека Америка започнала со појава на епидемијата. Илјадници профили на Твитер, Фејсбук и Инстаграм ја злоупотребија оваа теорија, посочуваат официјалните лица. на САД.
Одговарајќи на овие наводи, руското Министерство за надворешни работи вчера ги отфрли како „лажни“.
„Ова е намерно лажна приказна“, изјави портпаролката на руското Министерство за надворешни работи, Марија Захарова, за руската новинска агенција Тасс.
Претходно, високиот функционер на американскиот Стејт департмент, Филип Рикер, изјави дека „малигните“ руски актери се обидувале да сеат дезинформации за потеклото на коронавирусот. Една теорија на заговор, циркулирајќи на Интернет на неколку јазици, тврди дека вирусот е обид за водење „економска војна против Кина“.
„Со ширење дезинформации за коронавирусот, руските „малигни“ актери повторно избираат да ја загрозат јавната безбедност со тоа што ќе го одвлечат вниманието од глобалниот здравствен одговор“, рече Филип Рикер, в.д. заменик државен секретар за Европа и Евроазија, за новинската агенција АФП.
Објавите исто така го обвинија и ко-основачот на Мајкрософт, Бил Гејтс за вмешаност во епидемијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.