Регион
Додик: Никогаш не сме повикале на војна, народот не треба да се плаши
Српскиот член на Претседателството на БиХ, Милорад Додик, рече дека во врска со одлуката на Уставниот суд на БиХ за земјоделското земјиште, тој суд уште пред 15 години почнал да оспорува сè што е поврзано со Република Српска, пренесува РТРС.
„Почнаа со она најважното, што ги допира емоциите, менталитетот, посветеноста, а тоа е укинувањето на химната, грбот, знамето, и завршуваат со симболичните работи“, рече тој.
Додик истакна дека сега на ред дошле имотите.
„Драго ми е што сите политички фактори во Република Српска, и власта и опозицијата, сфатија дека станува збор за еден тежок политички момент“, посочи тој.
Коментирајќи ја најновата изјава на лидерот на СДА, Бакир Изетбеговиќ, Додик рече:
„Изетбеговиќ вели ‘борете се со сите средства, со оружје и со војна ако треба’. Ние никогаш не сме повикувале на војна. Како ќе креира војна Изетбеговиќ? Каде му се единиците, паравојската? Луѓето не трба да се плашат, тоа се празни политички приказни“.
Додик додаде дека процесот на разградување на Република Српска од страна на меѓународната заедница е присутен и денес.
„Ако БиХ не му се врати на основниот договор на трите народа, тешко ќе се живее“, нагласи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.