Спорт
„Не сакам Ѓоковиќ да освои повеќе грен-слем титули од мене“
Рафаел Надал признал дека не сака Новак Ѓоковиќ кариерата да ја заврши со со повеќе освоени грен-слен титули од него.
Светскиот рекет број 2, оваа недела ќе учествува на турнирот во Акапулко.
„Имам убави спомени од овој турнир. Тука се чувствувам како дома. По Австралија опен ова е многу важна недела за мене. Сакам да видам како ќе се чувствувам на теренот“, рекол Надал на средбата со новинарите.
Надал на првиот грен-слем во сезоната, Австралија опен, испадна во полу-финалето од Доминик Тим. Тој признал дека во финалето навивал против Новак Ѓоковиќ. Српскиот тенисер на крајот ја освои 17 грен-слем титула и го презеде врвот на АТП листата од Надал.
На вечната листа Надал сега има две грен-слем титули повеќе од Ѓоковиќ.
„Светот во кој што живееме понекогаш е превртлив. Имам добар однос со Доминик, имам добар однос со Ѓоковиќ. Но ако ме прашате дали би сакал Новак да освои повеќе грен-слем титули во повеќе од неме, тогаш одговорот е не. Таква е реалноста. Но, кога Ѓоковиќ ќе освои трофеј јас секогаш му честитам“, рекол Надал и дополнил.
„Тоа е чист професионализам. Верувам дека доколку го прашате Новак дали би сакал Ролан Гарос да го освојам јас или Доминик, веројатно одговорот ќе биде, Доминик“.
Надал на првото коло на турнирот во Акапулко ќе игра против Пабло Андухар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ал Келаифи полуде на прашањрто за тренерот: Дали вие го разбирате фудбалот?
ПСЖ не успеа да се пласира во финалето на Лигата на шампионите. Среќата ги напушти „светците“ во натпреварите со Борусија Дортмунд. Во реваншот упатија 31 удар кон голот на Кобел, четири пати ја погодија стативата.
Сезоната, ПСЖ ќе ја заврши само со титулата во домашното првенство, која по доаѓањето на катарските газди се подразбира.
Сепак, со доаѓањето на Луис Енрике, клубот ја смени трансфер политиката. ПСЖ повеќе не ги купува најскапите суперѕвезди, туку се фокусире на собирање супер таленти. Така на реваншот со Борусија имаше тим со просечна старост од 24 години и 157 дена. Тоа е најмладиот тим во полуфиналето на Лигата на шампионите во последните 10 години.
Поради сето горенаведено, претседателот на клубот Насер Ал-Хелаифи полуде на новинарско прашање по испаѓањето од Борусија, каква е иднината на Енрике во клубот.
„Чекај, сериозно ме праша ли тоа? Навистина, дали знаеш нешто за фудбалот и дали воопшто го разбираш? Градиме долгорочен проект со најмладиот тим во Европа. Ни претстои светла иднина. ”
Спорт
Орсато означи крај во Париз и се расплака
Еден од најдобрите судии во светот, Даниеле Орсато, синоќа без грешка го водеше полуфиналниот реванш меѓу ПСЖ и Борусија Дортмунд. Натпреварот заврши со победа на германскиот тим 0:1, а Орсато откако означи крај на натпреварот се расплака.
Орсато (48) повеќе од една деценија суди натпревари од Лигата на шампионите, а во 2020 година го судеше финалето Баерн – ПСЖ. Истата година Институтот за фудбалска историја и статистика го прогласи за најдобар судија во светот. Следната година го водеше полуфиналето на Лигата на шампионите помеѓу Челзи и Реал Мадрид.
Италијанските медиуми открија зошто Орсато плачел.
Натпреварот ПСЖ-Борусија Дортмунд беше негов последен натпревар во европските купови. Тој ќе суди на претстојното евро, а потоа ќе се пензионира.
Спорт
Реал богато ќе ги награди фудбалерите доколку ја освојат ЛШ
Реал и Баерн од 21 часот во Мадрид ќе го одиграат реваншот од полуфиналето на Лигата на шампионите. Првиот натпревар во Минхен заврши 2:2. Вечерва ќе го дознаеме вториот финалист на Вембли откако синоќа место во финалето обезбеди Борусија Дортмунд која со вкупен резултат 2:0 го елиминира ПСЖ.
„Марка“, денеска ја објави сумата што секој играч на Реал Мадрид ќе ја добие од клубот како награда доколку ја освои Лигата на шампионите. Тоа е дури 1,4 милиони евра по фудбалер, што е за 500.000 евра по фудбалер повеќе отколку што за истиот успех беа наградени фудбалерите на Реал во 2022 година.
Со богата сума ќе бидат наградени и членовите на штабот, па се проценува дека Реал во случај на освојувањето на трофејот во Лигата на шампионите ќе плати издвои околу 40 милиони евра за да ги награди фудбалерите и стручниот штаб.