Спорт
Мартина Хингис: Потешко е да чуваш деца отколку да играш тенис

Поранешната светска тенисерка број 1, Мартина Хингис вели дека да се биде мајка повеќе ја исцрпува од играњето тенис. 39-годишната Швајцарка, која има едногодишна ќерка Лиа, во интервју за магазинот „Блик“ вели дека за тенисот можеш да бидеш подготвен, но не и за родителството.
„Многу е поисцрпувачки да се биде мајка отколку да се игра тенис. Тренирав повеќе од 30 години тенис и тоа ми беше работа, но никој не може да те подготви за мајчинството. Таа е заинтересирана за топчињата и го држи рекетот, но рано е да знаеме дали ќе игра тенис“, вели Хингис, која стана светска тенисерка број 1 на 16 години.
Хингис, која е во брак со спортскиот доктор Харалд Леман од 2018 година, зборуваше за нејзините наследнички во швајцарскиот тенис, Белинда Бенчич и Леони Јунг.
„Бенчич лани имаше фантастична сезона и не се стигнува до четвртото место на ВТА листата со среќа. Со Леони се сретнавме пред две три години и беше на тренинг со нас. На Вимблдон нејзиниот татко се пофали дека таму ќе им биде подобро, бидејќи се игра на трева, а тие доаѓаат од фармерско семејство“, додава Хингис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Челси лесно со најлошиот тим во лигата, Палас ја декласира Астон Вила

Фудбалерите на Челзи убедливо го совладаа Саутемптон со 4:0 (3:0), во 27.коло во Премиер лигата.
Без сомнение, Челзи го забележа најлесниот триумф сезонава, против најслабиот тим во лигата.
Серијата на „Стемфорд Бриџ“ ја отвори Кристофер Нкунку во 24. минута, а по 12 минути Нето го удвои водството за сините.
На минута пред паузата Колвил зголеми на 3:0, а во вториот дел Марк Кукуреља стави точка на натпреварот во 78. минута.
Челзи повторно влезе во зоната на Лигата на шампионите и моментално е на четвртото место со 46 бодови.
Саутемптон останува убедливо последен со само девет бода.
Премиер лига, 27 коло:
Брајтон – Борнмут 2:1 (1:0)
/Педро 12, Велбек 75 – Клајверт 61/
Кристал Палас – Астон Вила 4:1 (1:0)
/Сар 29, 71, Матета 59, Нкетија 90+1 – Роџерс 52/
Вулверхемптон – Фулам 1:2 (1:1)
/Гомеш 18 – Сесењон 1, Муниз 47/
Спорт
(Видео) Голшиште на Арнутовиќ, Интер се пласира во полуфиналето на Купот

Интер се пласираше во полуфиналето на Купот на Италија, откако го совлада Лацио со 2-0 (1-0) на „Џузепе Меаца. „Нероаѕурите“ во полуфиналето ќе играат против градскиот ривал Милан.
Клучен момент за победата на Интер беше 39. минута. Тогаш австрискиот напаѓач Марко Арнаутовиќ со прекрасен волеј му донесе водство на својот тим. Точка на мечот стави Хакан Чалханоглу од пенал на 15 минути до крајот на натпреварот. .
Интер игра одлично пред своите навивачи, нема пораз на претходните 16 натпревари, е победија на 13 од нив и три пати ремизираа. Лацио, пак, е елиминиран во четвртфиналето на Купот по петти пат во последните шест сезони
Во другото полуфинале ќе играат Болоња и победникот од дуелот Јувентус-Емполи.
Спорт
(Видео) Лудница на „Монжуик“ – Атлетико водеше 0:2, па Барселона 4:2, на крајот 4:4

Барселона и Атлетико Мадрид го одиграа мечот на сезоната во Шпанија. Во првиот полуфинален меч во Купот на Кралот, резултатот беше 4:4.
На „Монжуик“, Атлетико водеше 0:2, Барселона направи пресврт до крајот на првиот дел, а потоа поведе и со 4:2, а „јорганџиите“ во последните 10 минути постигнаа два гола. И повторно Барселона во судиското надополнување ја шокираше Александер Серлот.
Атлетико го отвори мечот со два гола во првите шест минути. Хулијан Алварез погоди во 47. секунда, а во шестата минута Гризман ја зголеми предноста.
Следуваше блиц-криг на Барселона, во 20. и 21.минута изедначија Педи и Кубарси. Младиот штопер во 62.меч за Барселона го постигна првиот гол во сениорскиот фудбал. До крајот на полувремето Мартинез го комплетираше пресвртот.
Барселона во првиот дел имаше две шанси, преку Феран Торес. Шпанскиот репрезентативец два пати беше сам пред голманот Мусо и не успеа да постигне гол.
Во вториот дел речисии да немаше возбудувања. Барселона го контролираше поседот, но без вистинска закана кон голот на противникот. А потоа нов спектакл во последните 15 минути.
Јамал ја измеша одбраната на Атлетико во 74.минута и му асистираше на Левандовски за 4:2.
Од тој момент гостите почнаа да играат. Во 84.минута Љоренте од 16 метри со мала помош на Гави го намали резултатот, а во 94.минута, Барселона си дозволи контра, Лино за Серлот за конечни 4:4.
Норвешанецот на 21.декември минатата година, во првенството го постигна голот за победа на Атлетико во 96.минута.
Реваншпт на „Метрополитано“ во Мадрид ќе се одигра на 2.април.