Црна хроника
Четири тела најдени по пад на авион врз куќа во САД
Пожарникарите пронашле тела на четири луѓе, меѓу нив и поранешниот извршен директор на компанијата Microsoft што загинале при пад на авион во областа Њу Хејвен во американската сојузна држава Конектикат, пренесе во саботата Associated Press повикувајќи се на локалната противпожарна служба.
Десетметарскиот туристички авион кој полетал од Њу Џерси се урнал врз куќа во Њу Хејвен, по што избувнал пожар врз два станбени објекта. Според портпаролот на противпожарната служба, Ентони Москато, во несреќата загинал поранешниот топ менаџер на компанијата Microsoft, Бил Хенингсгард со синот, кои се наоѓале во авионот и две лице кои биле во куќата.
Претходно беше објавено дека во авионската несреќа можно е да има шест жртви, од кои две деца во една од уништените куќи. Локалните власти изразија надеж дека нема да расте бројот на загинатите.
Според локалниот весник Hartford Courant, обдукцијата на жртвите ќе биде извршена во недела.
Членовите на семејството на поранешниот извршен директор на Microsoft потврдиле дека авионот бил управуван од Хенингсгард. Самиот Хенингсгард веќе имал преживеал авионска несреќа пред три години, кога се обидувал принудно да атерира со својот авион и паднал во реката Колумбија во сојузната држава Вашингтон, меѓутоа заедно со неговата мајка биле спасени од екипажи на чамци што ловеле на реката./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.
Црна хроника
Тешко повредена девојка од Скопје откако четирицикл излета од земјен пат во Галичник
Вчера во 15.00 часот во СВР Тетово било пријавено дека од шумски земјен пат во атар на село Галичник, на место викано „Горно стопанче“, излетал четирицикл со скопски регистарски ознаки, управуван од Б.Л.(22) од Скопје.
Во несреќата со тешки телесни повреди се здобила сопатничката А.Ц.(23) од Скопје, додека возачот се здобил со телесни повреди, констатирани во Општа болница „8 Септември“ во Скопје. Увид на местото извршила екипа од ОВР Гостивар.