Спорт
Серхио Рамос откри што навистина мисли за Лео Меси
Серхио Рамос вели дека многу го цени својот ривал од Барселона, Лионел Меси пред новото „Ел класико“ во кое ќе се судри со аргентинскиот ас.
Шесткратниот освојувач на „Златната топка“, Меси има уште една импресивна сезона во Шпанија, со 23 гола во 29 настапи за сите натпреварувања за Каталонците, а покрај тоа додаде 16 асистенции. Мадрид во недела ќе го пречека најголемиот ривал, и Рамос вели дека има огромна почит за Меси.
„Секако, имам огромна почит кон него и мислам дека е еден од најдобрите фудбалери во историјата. Сега, се надевам дека неделата нема да биде негов ден, бидејќи тоа ќе значи дека добро сме ја завршиле работата. Му посакувам сè најдобро како професионалец, но само доколку тоа не влијае негативно на нас. Тешко е да се почитува ривалот, но тој го има мојот респект бидејќи е еден од најдобрите“, вели Рамос во интервју за Ла лига.
Мечот доаѓа во незгодно време за „кралевите“ – по 1:0 поразот од Леванте во Шпанија и по 2:1 поразот од Манчестер сити на домашен терен во првиот меч од осминафиналето на ЛШ.
„Игравме против Барселона толку многу пати, така што добро се познаваме. Тие се тим кои сакаат да имаат посед на топката и најтешко им е кога ќе им го одземете тоа. Тоа го знаат сите, не само Реал Мадрид. Затоа притисок од почеток и да им ја одземеме топката“, вели Рамос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.