Црна хроника
Двајца тинејџери загинаа во две одделни сообраќајки

Двајца тинејџери загинаа во две одделни сообраќајки што се случија на магистралниот пат Ново Село-Струмица и во Кичево, соопштија од МВР.
Во четвртокот во 12.30 часот на магистралниот пат Ново Село-Струмица се судриле камион „МАН“ со струмички регистерски таблици сопственост на фирмата „Агро – Тренд“ и моторцикл „јамаха“ без регистерски таблици.
На лице место починал 19 -годишниот моторциклист Ристо Н. Од струмичкото село Сушица.
Утрово околу 5 часот во Кичево на крстосницата од магистралниот пат и улицата „Борис Кидрич“ се судриле автомобил „мерцедес“ и цистерна „Мерцедес“. Во несреќата тешко повреден бил 18 -годишниот сопатник во автомобилот мерцедес кој починал во Ургентниот центар во Скопје.
Во сообраќајката повредени се уште други двајца сопатници кои биле примени во медицинскиот центар во Кичево./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Татко на синовите им се заканувал со нож, син ја нападнал мајка си – семејно насилство во Скопје

Два случаи на семејно насилство се регистрирани вчера во Скопје.
Нешто пред полноќ, 24-годишен маж од Скопје пријавил дека во дворот од семејната куќа на подрачјето на општина Аеродром, неговиот татко И.Т.(54) со остар предмет упатувал закани кон него и неговиот 26-годишен брат.
На подрачјето на Ѓорче Петров, пак, полицијата го приведе Б.Л.(28) од Скопје, по претходна пријава дека околу 12.00 часот во семејниот дом, физички ја нападнал неговата 50-годишна мајка.
МВР ги расчистува случаите.
Црна хроника
Пожар во Дебреше во дом на притвореник за убиство, најден пиштол

Пиштол бил најден за време на гаснење на пожар во куќа. Горел вториот кат, а во моментот во домот немало никој.
Се работи за куќа во селото Дебреше, која е во сопственост на Б.В. кој моментално издржува мерка притвор во затворот во „Шуто Оризари“ за убиство, соопшти МВР.
Пожарот избувнал утринава два часа по полноќ, а на терен излегле полицијата и пожарникарите. Бил локализиран еден час подоцна.
Во текот на денот ќе се врши увид.
Црна хроника
Скопјанка нападнала две лица по сообраќајно недоразбирање во Карпош

На подрачјето на Карпош, вчера по претходно недоразбирање во сообраќајот, бил нарушен јавниот ред и мир.
Како што објави МВР во дневниот полициски билтен, полициски службеници излегле на лице место, при што било констатирано дека Е.Ѓ.(29) агресивно се однесувала, удирајќи по патничко возило „мерцедес“ со битолски регистарски ознаки управувано од Ј.Б.(39) и сопатникот Е.Ѓ. (29) сите од Скопје, при што физички ги нападнала.
По целосно документирање на случајот ќе следува соодветна пријава.