Свет
Бил Гејтс вложува 100 милиони долари во истражувања за коронавирусот
„Во последната недела, коронавирусот започнува да личи на она од што се плашевме – вирус што се случува еднаш во еден век. Сепак се надевам дека нема да биде премногу лоша епидемија, но додека не дознаеме повеќе, мора да претпоставуваме дека ќе биде“, напиша за вирусот милијардерот и коосновач на „Мајкрософт“, Бил Гејтс, во статија која во петокот беше објавена во магазинот The New England Journal of Medicine. Во неа тој објаснува зошто го смета коронавирусот за голема закана.
„Прво, покрај постарите луѓе кои веќе имаат здравствени проблеми, од него може да умрат и здрави возрасни лица. Податоците објавени досега сугерираат дека вирусот има стапка на смртност од околу 1 процент, што го прави многу поопасен од типичен сезонски грип“, напиша Гејтс.
Како друга причина, Гејтс го наведува фактот дека коронавирусот се пренесува многу брзо и лесно.
„Во просек, едно заразено лице го шири вирусот на две или три други лица – што претставува експоненцијална стапка на раст“, објaснува милијардерот.
Тој апелираше до светските лидери да помогнат во намалувањето на ширењето на вирусот. Исто така, ги повика поразвиените земји да им помогнат на посиромашните да се подготват за пандемија.
Покрај тоа, на 5 февруари, милијардерот објави дека неговата фондација „Бил и Мелинда Гејтс“ ќе донира 100 милиони долари за пронаоѓање на лекови и нивно тестирање на вирусот, кои се надева дека ќе му помогнат на посиромашниот дел од светската популација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.