Црна хроника
Притворен албански државјанин за двете торби со марихуана што беа пронајдени кај Ќафасан
Против 30-годишен годишен државјанин на Република Албанија поднесена е кривична пријава поради постоење основи на сомнение за сторено кривично дело неовластено производство и пуштање во промет наркотични дроги.
Kако што информираат од МВР, обезбедени се материјални докази и констатирано е дека пријавениот е инволвиран во случајот на пронајдени 45 килограми марихуана во две торби во близина на граничниот премин Ќафасан на 11 ноември 2018 година.
Минатата недела на граничниот премин Свети Наум осомничениот бил приведен и задржан во полициска станица.
Од страна на судија на претходна постапка при Основниот суд Струга на пријавениот му е одредена мерка притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Четири возила се судрија пред Клинички центар „Мајка Тереза“, неколку лица се повредени
Сообраќајна несреќа вечерва вечерта се случи на булеварот „Мајка Тереза“ во Скопје, пред влезот на Клиничкиот центар. Според првичните информации, во несреќата учествувале четири возила.
Неофицијално, неколку лица се пожалиле на повреди, но официјални информации од МВР се очекуваат во текот на денешниот ден.
Црна хроника
Во делчевско Вирче најдена граната
Во делчевското село Вирче пронајдена е стара неексплодирана граната. Случајот е пријавен од жител на селото кој експлозивната направа ја пронашол во својот двор.
Во пoлициската станица Делчево, А.М.(60) од с.Вирче, делчевско, на 17.05.2024 во 19.50 часот пријавил дека при извршување градежни работи во неговиот двор пронашол една стара неексплодирана граната, информираат од полиција.
Гранатата по извршениот увид била подигната од пиротехничар од Дирекцијата за заштита и спасување.
Црна хроника
Во куќа на струмичанец најдена дрога
Струмичката полиција вчера околу пладне во Струмица го лишила од слобода Љ.Ѓ.(46) од овој град. При претрес во неговиот дом, извршен со судска наредба, биле пронајдени и одземени кафеава прашкаста материја, црна прашкаста материја, марихуана, бела прашкаста материја, бела грутчеста материја и други предмети за кои постои сомнение дека потекнуваат од кривично дело..
Како што информираат денеска од МВР, лицето било задржано во полициска станица и по целосно документирање на случајот против него ќе биде поднесена соодветна пријава.