Свет
ОН: Воени злосторства во Сирија извршиле речиси сите страни
Истражителите од Советот за безбедност на Обединетите нации соопштија дека пронашле докази за воени злосторства во Сирија, кои ги извршиле речиси сите страни во судирите за време на втората половина од минатата година и во јануари оваа година.
Тие откриле воени злосторства извршени од руските сили, трупите на сириската влада, припадници на огранок на Ал каеда и сириски бунтовници кои се поддржани од Турција.
Истражната комисија за Сирија го следи и бележи кршењето на човековите права откако започна војната во Сирија во 2011 година. Тие објавија налози во својот 19. редовен извештај, кој овој пат го опфаќа периодот од 11 јули лани до 10 јануари оваа година.
Членовите на комисијата, на чело со бразилскиот адвокат Пауло Пинхеир, изјавија дека сириските жени, деца и други цивили се соочуваат со невидени болки и закани. Според наведеното, комисијата верува дека руски авиони биле вмешани во најмалку два удари на преполн пазар во јули и на центар за раселени лица во август.
„Во двата случаи, руските воздухопловни сили не ги насочиле нападите на одредени воени цели, што претставува воено злосторство извршено со неселективни напади на цивилни подрачја“ соопшти комисијата, повикувајќи се на сведочења на очевидци, видеоснимки, податоци, извештаи на набљудувачки летови, пресретнување на комуникации за лет и извештаи за воени предупредувања.
Советот за човекови права утврди дека Сириската национална армија, која ја поддржува Турција, можеби извршила воени злосторства со убиство на сириско-курдската политичарка Хеврин Калаф, на 12 октомври.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с