Европа
Во Германија десничарите планирале напади врз мигрантите и странците
Германската полиција изврши рација во становите и домовите на 12 лица осомничени дека се членови на десничарската група која планирала напади врз мигранти и странци.
Осомничените се на возраст меѓу 19 и 57 години, а извршени се претреси во провинцијата Шлезвиг-Холштајн и другите делови на Германија, соопшти полицијата.
Според АП, 12 осомничени лица ја основале организацијата во јули, во градот Бад Сегеберг на северот на Германија, а за сите осомничени се знае дека поддржуваат екстремно десничарски ставови.
Осомничените отворено ја покажаа својата поддршка за екстремно десничарските груп позирајќи на фотографии со симболи и пароли карактеристични за идеологијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Деветгодишното девојче застрелано во ресторан во Лондон се бори за живот
Деветгодишно девојче, кое синоќа беше застрелано додека вечераше со семејството во ресторан во источен Лондон, е во критична состојба, јавува Скај њуз. Таа е една од четирите жртви во пукањето што се случи на истокот на градот.
Девојчето се бори за живот, соопшти полицијата, а тројцата мажи на возраст од 26, 37 и 42 години се во стабилна состојба.
"New normal" scenes in "Modern London" tonight as 4 people were shot in Hackney including a child, who is a critical condition in the shooting outside a restaurant at 21:20hrs. pic.twitter.com/O3qfUHr4Fp
— Tommy Robinson 🇬🇧 (@TRobinsonNewEra) May 30, 2024
Семејствата биле излезени на вечера кога се случило пукањето, а очевидци изјавиле за Скај њуз дека првично мислеле дека тоа е огномет пред да слушнат шкрипење на мотор.
Никој не е уапсен, полициската истрага е во тек.
Европа
„Фајненшл тајмс“: НАТО не може да ја заштити Источна Европа
НАТО има помалку од пет отсто од капацитетите за противвоздушна одбрана потребни за заштита на Источна и Централна Европа во случај на интензивен напад, пишува Фајненшл тајмс, повикувајќи се на неколку извори запознаени со доверливите одбранбени планови на алијансата, направени во 2023 година, пренесува Спутник.
„Воздушната одбрана е една од најголемите празнини што ги имаме. Тоа не можеме да го негираме“, изјави неименуван дипломат на НАТО.
„Способноста на алијансата да издржи ракетни и воздушни напади беше суштински дел од планот за одбрана на Источна Европа од инвазија“, вели друг извор.
„И сега го немаме тоа“, додаде тој.
Во написот се вели дека и на Велика Британија ѝ оди лошо во оваа област. Според „Фајненшл тајмс“, шесте разурнувачи дизајнирани за противвоздушна одбрана имаат недостатоци во дизајнот, а шесте модерни системи за воздушна одбрана „Скај Сабер“ имаат дострел од само 40 километри, а два од нив се наоѓаат во странство.
Европа
Макрон разговараше со претседателот на Палестина:„Решението за две држави не треба да се одложува“
Францускиот претседател Емануел Макрон изјави дека систематското одложување во спроведувањето на решението за две држави за Израел и Палестина треба да заврши.
„Макрон ја потврди посветеноста на Франција да работи, со своите европски и арапски партнери, на заедничката визија за мир што нуди гаранции за безбедност на Палестинците и Израелците“, се вели во соопштението на Елисејската палата по телефонскиот разговор меѓу францускиот претседател и неговиот колега Махмуд Абас.
„Овој процес треба да ја вклучи перспективата за признавање на палестинска држава со практична структура“, се вели во соопштението.
Макрон ја истакна потребата од реформирање и зајакнување на палестинската самоуправа за да може да ги извршува своите одговорности на палестинските територии, вклучувајќи го и Појасот Газа, за доброто на палестинскиот народ, пренесува француската новинска агенција АФП. Тој повторно го осуди неодамнешниот израелски напад во Рафах во кој, според локалните власти, загинаа 45 лица.
Разговорот меѓу францускиот и палестинскиот претседател дојде откако Норвешка, Шпанија и Ирска официјално ја признаа Палестина.
Вчера и Макрон изрази наклоност за француското признавање на Палестина, но додаде дека тоа треба да се случи во вистинско време.