Спорт
Се „заредија“ поразите на Ливерпул – Челси ги елиминираше од ФА купот (видео)
Откако ривалите чекаа долго време Ливерпул да загуби еден меч, на „црвените“ им тргна со поразите, откако го забележаа третиот пораз во три различни натпреварувања во вторникот навечер – губејќи со 2:0 од Челси во осминафиналето од ФА купот, што значи дека сигурно нема двојна домашна титула.
По поразот во првиот меч од осминафиналето од Лигата на шампионите од Атлетико (1:0) и шокантниот пораз од Вотфорд во Премиер лигата (3:0), сега „црвените“ испаѓаат од ова натпреварување, со што доколку не успеат да ја надминат разликата на Атлетико во ЛШ, само рутински ќе ја прослават титулата од ПЛ.
Во возбудливо прво полувреме, Челси имаа 11 удари (од кои 4 во рамкате на голот), додека Ливерпул имаа 9 удари (од кои 5 во рамката на голот), но тимот на Френк Лампард успеа да дојде до водство, откако Вилијан упати удар од далеку уште во 13. минута, а топката некако се протна меѓу рацете на Адријан. Кепа својот камбек на голот на Челси го одбележа со една фантастична тројна одбрана за четири секунди.
Во 63. минута, Мејсон Маунт ја погоди пречката за Челси, за една минута подоцна, Рос Баркли да зголеми на 2:0 по фантастична соло-акција која почна од неговиот шестнаесетник. Клоп потоа во игра ги уфрли Фирмино и Салах, но до крајот на мечот немаше гол за гостите – додека Жиру уште еднаш ја погоди пречката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал Мадрид најде замена за Хезоња
Турскиот кошаркар Фуркан Коркмаз следното лето би можел да му се приклучи на Реал Мадрид.
Овој 26-годишен кошаркар треба да пристигне во редовите на европскиот шампион како замена за Марио Хезоња кој не го продолжи договорот.
Коркмаз е без клуб од февруари кога беше трејдуван од Филаделфија во Индијана, која веднаш му врачи отказ.
Тој беше член на Сиксерс од 2017 до 2024 година, во кариерата на 328 натпревари во НБА лигата има просек од од 6,8 поени и два скока.
Според турските медиуми, Коркмаз ги започнал преговорите со Реал. Од дуга страна Марио Хезоња ќе се пресели во Панатинаикос чиј член беше во 2021 година.
Спорт
Математиката на Челси, Лукаку+пари = Виктор Осимен
Ромелу Лукаку (30), по три сезони минати во Интер и една во Рома, во Серија А би можел да го облече дресот на Наполи.
Белгиецот изминатите две сезони настапува како позајмен, во Интер и Рома. Доколку се пресели во Наполи тој би бил дел од трансферот на Виктор Осимен.
Италијанските медиуми најавуваат дека 25-годишниот Нигериец следното лето би можел да го засили Челзи во трансфер вреден меѓу 80 и 90 милиони евра и дека Лукаку ќе послужи како своевидна „доплата“ во таа „зделка“.
За Осимен се заинтересирани и саудиските клубови, па Челзи ќе мора да му понуди голема плата доколку сака да го обезбеди потписот на нигерискиот репрезентативец.
Спорт
(Видео) Меси и Суарез го декласираа Њујорк Ред Бул
Аргентинскиот фудбалер Лионел Меси стана првиот играч во историјата на МЛС со пет асистенции на еден натпревар.
Меси го растури Њујорк Ред Бул со гол и пет асистенции. Интер славече победа 6:2.
Домашниот тим со пресврт дојде до седмата победа оваа сезона, откако Њујорк поведе во 30. минута преку Данте Ванзеир.
Матијас Рохас израмни во 48. минута, а Меси погоди две минути подоцна.
Рохас ја затресе мрежата на гостите во 62. минута, а Луис Суарез постигна хет трик во финишот.
Погоди во 69., 75. и 81. минута, а Њујорк Ред Бул постигна уште еден гол во седмата минута од судиското надополнување преку Емил Форсберг од белата точка.
Интер е прв во Источната конференција со 24 бодови, додека Њујорк Ред Булс е четврти со 17 бодови.