Спорт
Тимовите вложија жалба на договорот помеѓу ФИА и Ферари
Врие во Формула 1 на десет дена до почетокот на новата сезона. Претходните денови најчеста тама беше коронавирусот и дали ќе биде одложен почетокот на сезоната, а денес започнаа и внатрешните судири. Седум од десете тима јавно се спротивставија на тајниот договор што го постигнаа ФИА и Ферари во врска со контроверзниот мотор на италијанскиот тим во минатата сезона.
ФИА, во петокот, објави дека постигнале спогодба со Ферари по завршената истрага. Тимовите сметаат дека одлуката за нив е не задоволителна и не разбирлива.
Главниот проблем според нив е тој што ФИА става точка на случајот без да понуди јасен одговор на прашањето дали моторот на Ферари во во одредени делови од сезоната бил легален или не.
ФИА во своето соопштение објави дека истрагата била темелна и дека одредени детали од постигнатиот договор со Ферари остануваа помеѓу двете засегнати страни (ФИА и Ферари).
Исто така се наведува дека ФИА и Ферари се договориле околу техничките обврски што треба да донесе подобрување во надгледувањето на моторите во претстојните сезони.
Мекларен, Мерцедес, Рејсинг поинт, Ред Бул, Рено, Алфа Таури и Вилијамс во заедничко соопштение објавија дека се шокирани од ваквата одлука на ФИА.
Целата приказна со моторот на Ферари започна по летната пауза. Уште тогаш неколку тимови се сомневаа дека нивниот мотор е легален. Дури возачот на Ред Бул Макс Ферстапен овој мото го нарече „измамник“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Арасате ја напушти Осасуна
Тренерот на Осасуна, Јагоба Арасате, последен пат го предводеше тимот во саботата. Играчите и навивачите емотивно се простија од тренерот по натпреварот помеѓу Осасуна и Виљареал кој заврши 1:1.
„Ќе се сеќавам колку им бев драг на луѓето, а денес беше кулминација на тоа. Од понеделник почнува времето за носење одлуки“, рече 46-годишниот Арасате на прес-конференција.
Медиумите шепкулираат дека тој ќе ја преземе Мајорка или да се обиде да ја подигне Севилја.
Арасате шест години ја водеше Осасуна, која сезонава ја заврши на 10. место меѓу 20-те клубови од Примера. Засега не се знае кој ќе биде новиот тренер на Осасуна.
Спорт
Пикси се уште не потпишал – Проблем се еден милион евра
Селекторот на Србија, Драган Стојковиќ Пикси се уште не го потпишал новиот договор, а според сите индикации нема потпишувањето нема да се случи ниту во наредните денови и покрај тоа што Фудбалскиот сојуз на Србија (ФСС), во четвртокот објави дека биле договорени деталите од новиот договор, според кој Пикс би останал селектор до 2026 година.
Проблемот околу новиот договор со селекторот на Србија настанал околу финансискиот дел. Станува збор за потенцијален прекин на соработката доколку Србија не обезбеди пласман во осминафиналето на претстојното Европско првенство, дознава „Спорт клуб“.
Во случај на раскинување на соработката, Стојковиќ инсистирал на обештетување во висина од еден милион евра.
Сè уште не е познато кога Пикси ќе го стави потписот на новиот договор, а новиот датум кога тоа треба да се случи е понеделник (27 мај) во 11 часот.
Конечниот збор ќе го имаат членовите на Извршниот одбор на Фудбалскиот сојуз на Србија. Третата точка на седницата закажана за в понеделник, ја дефинира дискусијата за продолжување на соработката со селекторот.
Спорт
(Видео) Најемотивниот момент од збогувањето на Крос
Тони Крос го одигра својот последен натпревар во клупската кариера. Германската икона на Реал Мадрид доби овации од „Сантијаго Бернабеу“ во емотивна вечер од последното коло во шпанското првенство. Реал ремизираше со Бетис без голови.
Брилијантниот играч за врска мина низ шпалирот што го направија соиграчите пред почетокот на натпреварот, во тие моменти ја гледаше кореографијата што ја подготвија навивачите за неговото збогување, играе до 86. минута, потоа му ја предаде капитенската лента на Лука Модриќ и се упати кон клупата за резерви.
Ќе биде забележано дека од 2014 година до синоќа одигра 464 натпревари за Реал, постигна 28 гола и забележа 98 асистенции, а со клубот освои 22 трофеи. Сето тоа го понесе Крос на вчерашниот натпревар кој го заврши со овации од трибините и овации од соиграчите.
По натпреварот и самиот призна дека добро се справувал со емоциите во тие моменти, а потоа откри што го расплакало.
„Бев доста силен. Се додека не ги видов моите деца. Тоа ме скрши”, призна инаку „ладниот” Германец по испраќањето од теренот, за кое „Марка“, пишува дека било најголемо за еден играч на Реал.
„Тоа беше убав како неговата кариера, возбудлив како неговиот фудбал и огромен како неговата легенда“.
I'll never recover 🥹💔pic.twitter.com/0gEIh0XcEi
— Ele (@EleModric) May 25, 2024