Свет
(Видео) Во Австралија голема побарувачка на тоалетна хартија, таблоид објави празни страници

Австралискиот таблоид „Дарвин“ се пошегува денес на сметка на паниката предизвикана од ширењето на новиот коронавирус и големата набавка на тоалетна хартија со објавување празна страница во својот број наменет за читателите доколку итно им е потребна тоалетна хартија.
„Имаме објавено неколку празни страници во средината на таблоидот. Овие страници лесно се одвојуваат, така што можете да ги користите во итни случаи“, пишува во весникот.
Во Австралија се пријавени 55 случаи на вирусна пневмонија. Многу граѓани почнаа да складираат тоалетна хартија. Не помагаат ниту апелите на надлежните, кои се обидуваат да ја смират ситуацијата убедувајќи ги граѓаните дека не им се заканува никаков недостиг на тоалетна хартија, како и дека најголемиот дел од тој производ во земјата е од локално производство.
The women behind me at the Aldi check out #toiletpaper #coronavirusaustralia pic.twitter.com/XnenmvnQaR
— Sonia Giusto (@SoniaCrestpac) March 3, 2020
Поради таквата состојба, полиците се целосно испразнети во некои продавници, а некои трговци одлучија да ја ограничат максималната количина хартија што може да се набави одеднаш на четири пакувања, пренесува „Јутарњи.хр“.
Хистеријата, пишува Би-би-си, отиде толку далеку што и полицијата мораше да реагира во средата кога се случи пресметка меѓу купувачите на тоалетна хартија во која еден извадил нож.
Од друга страна, желбата за овој производ исто така поприми бизарни форми. Така, ролни од тоалетна хартија се продаваа за повеќе од сто долари на интернет, беа регистрирани многубројни случаи на кражби од јавни тоалети, а некои радиостаници во наградни игри делеле ролни трислојна хартија. Производителите, пак, задоволно најавија 24-часовно производство.
#Australia calm down. This is Stephen in Beijing telling you this. We didn’t see this much panic when we visited #Hubei Province. 😉 https://t.co/yBfzDIF9LK
— Stephen McDonell (@StephenMcDonell) March 3, 2020
Исто така, се вели дека проблемот не е единствено во Австралија – слични сцени се забележани во Сингапур, Јапонија и во Хонгконг, а манијакалното складирање се случува и во некои делови на Соединетите Американски Држави. Во Хонгонг имало дури и вооружен грабеж на хартија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Почина најстарата личност на светот

Бразилката која беше прогласена за најстарата личност на светот, Ина Канабаро Лукас, почина на 117-годишна возраст.
Таа почина во Конгрегацијата на сестрите Терезијан во Порто Алегре, каде ги помина последните години, објави БФМ.
Ина стана најстарата личност на светот по смртта на Јапонецот Томико Итока во јануари, кој исто така почина на 116-годишна возраст.
Својата духовна кариера ја започнала на 16-годишна возраст кога влегла во училиштето на сестрите Терезијан, а на 26-годишна возраст се замонашила.
Во текот на животот служеше како учителка и секретар, а во 2018 година, на речиси 110-годишна возраст, доби апостолски благослов од папата Франциско.
Лукас е втората најстара калуѓерка во историјата, по Французинката Лусил Рандон, која живеела до 118 години.
По смртта на Лукас, најстарата личност на светот стана Англичанката Етел Катерам, која во моментов има 115 години и 252 дена, според Геронтолошката истражувачка група (ГРГ).
Регион
Шест месеци по падот на настрешницата, собир на граѓаните во Нови Сад

Денеска во Нови Сад се навршуваат шест месеци од падот на настрешницата на влезот на железничката станица, кога 16 лица загинаа, а едно е тешко повредено и се уште е во болница.
Студентите во блокадата на Универзитетот во Нови Сад ги повикаа граѓаните да се соберат пред станицата за во 11:52 часот да им се оддаде почит на жртвите.
„Не ги забораваме жртвите од падот на настрешницата во Нови Сад. Тој настан, кој е резултат на невнимание, неодговорност и институционална негрижа, однесе животи и ги остави семејствата и заедницата во болка и со прашања на кои се уште не се одговорени“, велат новосадските студенти.
Откако ќе оддадат почит, насобраните во колона ќе тргнат по булеварот Ослободување до Мостот на слободата, кој ќе биде блокиран неколку часа.
Свет
Трамп за царините: Имам потенцијални договори со Индија, Јужна Кореја и Јапонија

Претседателот Доналд Трамп изјави денеска дека има потенцијални трговски договори со Индија, Јужна Кореја и Јапонија, бидејќи се обидува да ја претвори својата тарифна политика во трговски договори.
Во градското собрание на телевизиската мрежа „Њуз нејшн“, Трамп на прашањето кога ќе објави договори со тие три земји, одговори дека има потенцијални договори со нив.
На 2 април 2025 година, американскиот претседател Доналд Трамп го прогласи „Денот на ослободувањето на американската индустрија“, со што го означи почетокот на новата фаза од воведувањето на широки царини, што тој го опиша како обновување на американскиот економски суверенитет. Истиот ден, неговата администрација објави универзална царина од 10 отсто за целиот увоз, како и дополнителни, високи царини за кинески стоки, вклучувајќи електроника, машини и фармацевтски состојки.
Овие мерки предизвикаа бран на загриженост кај американските трговски партнери, но отворија и простор за преговори со клучните азиски земји кои сакаат да бидат изземени од построги царини.
Изјавата на Трамп за потенцијални договори со Индија, Јужна Кореја и Јапонија доаѓа токму во тој контекст – како сигнал дека сојузниците би можеле да бидат наградени со поповолни услови доколку се согласат со барањата на САД, како што е поголем пристап до американските фармацевтски производи и автомобилски производи или построго почитување на правата на интелектуална сопственост.
Сè уште не е познато во која фаза се овие преговори, но Трамп ја користи оваа најава за да покаже дека неговата агресивна царинска политика не е изолирана закана, туку преговарачка алатка со која се обидува да добие билатерални отстапки без да помине низ мултилатерални трговски форуми како што е СТО.