Спорт
Ново натпреварување на УЕФА – летна Лига на шампионите
УЕФА планира да организира ново натпреварување, односно турнир што би се играл во летниот период и би потсетувал на Лигата на шампионите.
Изминатите неколку години во текот на летниот период најдобрите светски клубови во рамките на интернационалниот Куп на шампионите играа серија пријателски натпревари.
Планот на УЕФА е овие пријателски натпревари со помош на Американците да ги претвори во вистинско натпреварување.
Американците би биле на чело на новото натпреварување. Тие би добиле дозвола од УЕФА, а клубовите учество ќе обезбедуваат преку домашните шампионати. Во првите осум години ова натпреварување би се играло во САД и можеби во Азија.
Планот бил во првата фаза да бидат формирани групи со по три тима, а потоа би следувала нокаут-фазата. Клубовите би биле обврзани да настапат со најсилните состави.
Премиерното издание на оваа летна Лига на шампионите би можело да биде веќе за неколку месеци. Била разгледувана идејата на европските клубови да им се приклучат и најдобрите тимови од Јужна Америка.
УЕФА со новото натпреварување влегува во отворен судир со ФИФА. Светската куќа на фудбалот за наредната година најави организација на Светското клупско првенство со 24 екипи, од кои 12 ќе бидат од Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: Не одлучувам јас дали ќе го напуштам Челзи
Тренерот на Челзи, Маурисио Покетино изјави дека не е сигурен дали ќе има време да го врати клубот на врвот на англискиот фудбал.
Челзи на домашен терен го победи Тотенхем со 2:0 во натпреварот од Премиер лигата и ги задржа шансите за пласман во европските натпреварувања.
„Сините“, речиси цела сезона се справуваат со повреди, а во моментов дури 14 играчи поради повреди се надвор од тимот. Се шпекулира дека аргентинскиот стручњак би можел да го напушти клубот на крајот на сезоната.Тој не сакаше да одговори на ова прашање.
„Мислам дека е доста“, изјави Покетино за Скај на прашањето за шпекулациите околу неговата иднина.
„На сите тренери им треба време за да пренесат идеи и филозофии. Уште повеќе кога екипата е ваква. Ни треба време. Тоа не е моја одлука. Тешко е бидејќи секоја недела сум под лупа. Но, тоа не е моја одлука. Ако сакаме да испишеме историја со Челси, не чека многу работа. Ќе бидиме дали ќе имаме доволно време“.
Челзи моментално е осмо на табелата со 51 бод од 34 натпревари во Премиер лигата и заостанува три бода зад шестопласираниот Манчестер Јунајтед, кој го држи последното место кое обезбедуа пласман во европските купови.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“