Спорт
ФИА немала докази против Ферари, во Италија велат: Ова е војна против Скудерија!
По официјалната жалба на седумте Формула 1 тима за спогодбата која Светската автобилистичка федерација (ФИА) ја постигна со Ферари за наводните прекршувања на правилата на нивниот мотор за 2018, ФИА одговори дека не можела да најде докази, но италијанскиот печат смета дека ова е „отворена војна“ против италијанскиот тим и претседателот на ФИА, Жан Тод.
Минатата недела, ФИА со соопштение потврди дека се договориле со Ферари, но не се даде објаснување дали италијанскиот тим ги прекршил правилата со протокот на гориво во нивниот мотор. Сега, федерацијата даде дообјаснување.
„ФИА изврши детална техничка анализа на моторот на Скудерија Ферари, како што може да направи за секој натпреварувач во Формула 1 шампионатот. Истрагите во текот на 2019 донесоа сомнежи дека моторот не оперира во рамките на ФИА регулативите, но од Ферари постојано инсистираа дека тоа не е така. ФИА не беше целосно задоволна, но одлучи дека понатамошна постапка нема да резултира во сигурен случај поради комплексноста на материјалот и неможноста да се најде доказ. За да се избегнат негативните последици, ФИА реши да склучи договор за прекин на истрагата. Се работи за легална алатка која се користи во многу спортски федерации. Доверливоста на договорот исто така е според правилата“, се вели во соопштението на ФИА.
Ред бул и Мерцедес посебно беа лути на одлуката на ФИА, а советникот на Ред бул, Хелмут Марко најави дека тие можат да тужат за 24 милиони долари, колку што би добиле со второ место во шампионатот.
За италијанските медиуми ситуацијата е јасна – отворена војна против Ферари.
„Ферари и ФИА се под опсада. Во 11 часот се објави војна, на десет дена пред првата трка во Мелбурн. Кампањата на Тото Волф донесе стоотстотна поддршка, а се работи за политичка моќ и за пари. Целта не е само во Маранело, туку и во ФИА, кај Жан Тод“, вели Даниеле Спарисичи од „Кориере дела сера“.
Луиџи Перна од „Ла газета дело спорт“ се согласува: „Сега е војна! Војна, политика, моќ, пари“, додека Алесандра Рентико од „Ла република“ вели дека вината е во ФИА: „Целата афера покажа колку е ранлива ФИА, и колку не сака да ги разобличи сите трикови на инженерите“.
Според познатиот инсајдер на Ферари, Лео Турини, има „шпиун“ во целата афера.
„Пристигна еден шпиун, кој ги знае сите технички тајни на Маранело и им го кажа трикот на ривалите. ФИА не успеа да докаже намера кај ’коњчето’, но ги смени правилата. Затоа е пилогот е таков чуден“, вели Турини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Червар за Сигурдсон: За разлика од него, јас со Јапонија би се борел за злато на ОИ
Червар за Сигурдсон: За разлика од него, јас со Јапонија би се борел за злато на Олимпијадата
Легендарниот хрватски тренер, Лино Червар за „Спортклуб“, зборуваше новиот селектор на репрезентацијата на Хрватска, Исланѓанецот Дагур Сигурдсон.
Поранешниот тренер на Металург и македонската репрезнетација не е премногу инпресиониран од Сигурдсон, иако Исланѓанецот успеа да ја однесе Хрватска на Олимписките игри во Париз.
„Во нормални услови јас би се борел за олимпиското злато со Јапонија“, изјави Червар, алудирајќи на тоа дека Сигурдсон беше селектор на Јапонија пред да дојде во Хрватска.
Червар додаде дека Сигурдсон не му е конкурент бидејќи тој повеќе не е заинтересиран за клупата на хрватската репрезентација.
Да потсетиме, хрватските ракометари под водство на новиот селектор Дагур Сигурдсон се пласираа на Олимписките игри во Париз. За Сигурдсон ќе биде третпат да води репрезентација на Олимписките игри, со Германија освои бронза во 2016 година, а со Јапонија настапи на Игрите во Токио пред три години.
Спорт
(Видео) Вембањама едногласно избран за дебитант на годината
Виктор Вембањама (20) е добитник на трофејот Вилт Чембрлен, награда која се доделува на најдобриот дебитант во НБА.
Центарот на Сан Антонио Спарс стана првиот француски кошаркар со оваа награда, но и прв по Карл-Ентони Таунс од сезоната 2015/16, кој едногласно беше избран за дебитант на годината.
Сите 99 новинари кои гласаа во овој избор, својот глас му го дадоа на 224 сантиметри високиот Вембањама. Второто место во овој избор му припадна на Чет Холмгрен од Оклахома сити тандер. Еден новинар го рангираше на третото место, а 98 го рангираше на второто место. Трет беше Брендом Милер од Шарлот Хорнетс, со еден глас на второто и 83 на третото место.
Вембањама ги предводеше дебитантите во поени (21,4), скокови (10,6), блокади (3,6) и беше втор по украдени топки (1,2) и четврти по асистенции (3,9). Со просек од 3,6 блокади по натпревар, тој беше и најдобар блокер во НБА.
Тој е третиот играч на Сан Антонио Спарс добитник на награта дебитант на годината. Наградата која се доделува од сезоната 1952/53, во дресот на Спарс ја добија легендите на франшизата, Дејвид Робинсон (1989/90) и Тим Данкан (1997/98).
Инаку, Спарс ја завршија сезоната со 22 победи и 60 порази.
Спорт
Вдечерва ќе го добиеме првиот финалист во Лигата на шампионите
Вечерва ќе биде познат првиот финалист во Лигата на шампионите. Полуфиналниот реванш ќе го одиграат ПСЖ и Борусија Дортмунд. Германскиот тим реваншот во Париз ќе го започне со предност 1:0.
Вечерашниот натпревар ќе биде четврти за ПСЖ и Борусија оваа сезона. Двата тима беа ривали и во фазата по групи, во Дортмунд немаше победник, а во Париз „светците“ славеа со 2:0. Победа со ваков резултат вечерва би го лансирала ПСЖ во финалето.
„Наша цел е пласман во финалето, а за да стигнеме до него ќе мора да бидеме подобри од извонредниот Дортмунд. Секогаш има простор за напредок и мора да работиме на тоа. За три секунди може да се постигнат два гола, но во исто време и да се примат. Одиме на победа“, рече тренерот на ПСЖ, Луис Енрике.
ПСЖ во одбраната ќе го нема Лукс Ернандез, кој се повреди во Дортмунд. За него оваа сезона е завршена, а веројатно ќе го порпушти и Европското првенство.
Од друга страна треерот на Борусија ги има сите фудбалери на располагање.
„Треба да се заслужи пласманот во финалето. Ни треба нерешено, но сакаме да победиме. Имаме мала предност и одлична можност. Ќе мораме да дадеме се од себе, да имаме добар план и добра идеја. Очекувам дека ПСЖ ќе биде подобар отколку на првиот натпревар, но ние сакаме место во финалето“, изјави тренерот на Дортмунд, Един Терзиќ.
Натпреварот на „Паркот на принцовите“ ќе започне во 21 часот, судија ќе биде Даниеле Орсато од Италија. Ќе му помагаат Чиро Карбоне и Алесандро Џалатини, додека четврти судија е Давиде Маса.
Во ВАР собата ќе биде Масимилијано Ирати, а помошник е Паоло Валери.