Спорт
Манчестер јунајтед ги осуди навивачите кои го навредуваа Лингард (видео)

Манчестер јунајтед најави дека ќе отвори истрага по навредите кои ги добиваше нивниот фудбалер Џеси Лингард од сопствените навивачи по 3:0 победата на гости во меч од ФА купот кај Дерби каунти
Лингард, кој честопати беше критикуван за своите слаби перформанси оваа сезона, одигра 90 минути за „ѓаволите“, а при враќањето во автобусот, 27-годишниот Англичанец беше нарекуван гомно и му беше порачано да се „е.е“. Од клубот велат дека однесувањето на навивачите е неприфатливо и ќе побараат соработка со Дерби да се идентификуваат навивачите.
Оле Гунар Солскјер пак, вели дека е задоволен од реакцијата која ја имало кај Лингард по инаку оправданите критики пред инцидентот.
„Ми се допаѓа неговата реакција. Сакам да видам фудбалери кои ќе речат: ’Добро, бев на клупата два-три меча, ќе се поправам’. Не мора да ја објаснувам ситуацијата секојпат. Имате шанси ада се смените. Ако даваме постојани предупредувања, тогаш еден ден ќе дојде денот кога нема да бидат тука“, вели Солскјер.
Инаку, за слабата форма на Лингард може да има и поприземно објаснување. Тој живее со својата болна мајка, и во исто време ги одгледува своите брат и сестра, кои се тинејџери, а покрај тоа има и едногодишна ќерка.
Jesse Lingard getting called a “N***er” by our own fans. Disgusting! ? #MUFCpic.twitter.com/f9u6FLSCCL
— The United Ledger (@UtdLedger) March 6, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шефот на Мекларен: Нема тензии меѓу Норис и Пјастри

На половина од сезоната во Формула 1, јасно е дека тандемот на Мекларен Оскар Пјастри-Ландо Норис ќе се бори за титулата. И покрај тоа што влогот е голем, првиот човек на британскиот тим Зак Браун истакнува дека меѓу нив нема „лоша крв“.
Постарите фанови на Мекларен добро се сеќаваат на легендарните борби меѓу Ален Прост и Аиртон Сена. Сепак, овој сегашен меѓу Пјастри и Норис навистина не изгледа ни приближно така. Додека легендарниот Бразилец и Французинот отворено се мразеа, Австралијанецот и Британецот, барем пред камерите, изгледаат како најдобри пријатели.
Иако, имаше и искри како Монтреал. Но, првиот човек на Мекларен Зак Браун инсистира дека тоа бил само инцидент, грешка што подоцна ја призна Ландо Норис.
„Нема тензии. Постои натпреварувачки дух, но верувам дека тензиите полека ќе растат. Сакаме предизвици и со нетрпение очекувам да се борат за титулата“, рече Браун.
Пјастри има освоено шест трки, една повеќе од Норис и има девет бода повеќе во генералниот пласман. Макс Ферстапен е трет но со дури 97 бода помалку од лидерот Пјастри.
Што се однесува до шампионатот на конструктори, доминацијата на Мекларен е јасно изразена. Британскиот тим има 559 бода, додека второпласираниот Ферари има 260.
Фото/ Принтскрин
Спорт
Барселона му ја одзеде капитенската лента на Тер Штеген

Марк-Андре тер Штеген и фудбалскиот клуб Барселона се во „војна“. Медиумите во Каталинија го поддржаа клубот, голем дел од нив го нарекоа Германецот „најлошиот капитен во историјата на клубот“.
Марк-Андре тер Штеген од легенда стана персона нон грата во Каталонија.
Како што е познато, Тер Штеген мораше повторно да се оперира, овој пат поради повреда на грбот, за што повторно ќе мора да паузира неколку месеци. Барселона планираше да го искористи медицинскиот извештај како доказ дека Германецот нема да игра најмалку четири месеци, што би им овозможило да не го регистрираат за првиот дел од сезоната, туку да го искористат за да ги регистрираат Маркус Рашфорд и Џоан Гарсија.
Но, голманот го шокира клубот. Најпрвин одби трансфер во друг клуб, а потоа свесно и намерно во објава на мрежите прецизираше дека ќе паузира три месеци (што е токму на штета на Барселона), Германецот одби и да ги испрати медицинските извештаи до комисијата на Ла Лига.
Правилата велат дека Ла Лига има право да не регистрира играч поради пауза од најмалку четири месеци, но со целата потребна документација, која Тер Штеген одбива да ја испрати.
Барселона се надева дека Германецот ќе размисли повторно, бидејќи на овој начин дополнително го навлекува гневот на навивачите, намерно блокирајќи го тимот, бидејќи новиот прв голман Џоан Гарсија сè уште не може да биде регистриран, но не може да биде регистриран и вториот голман Војчех Шчесни.
Барселона покрена дисциплинската постапка против голманот. Исто така, клубот реши да му ја одземе капитенската лента.
Во новата сезона капитен ќе биде Френки Де Јонг, а негови заменици Рафиња, Педри и Роналд Араухо.
Спорт
(Видео) Мурињо ја одржа најтажната прес конференција во кариерата

Португалскиот фудбал, вчера, доживеа нова трагедија. На 54-годишна возраст почина чегендарниот капитен на Порто, Жорге Кошта.
Кошта почина откако доживеал срцев удар по појавувањето во ТВ емисија, а лекарите не успеаја да го спасат по хоспитализацијата.
Португалецот беше легендарниот стопер и капитен на Порто, кој го предводеше тимот до титулата во Лигата на шампионите во 2004 година, кога „Змејовите“ сензационално стигнаа до врвот на Европа.
Кошта беше и репрезентативец на Португалија, за која играше 50 пати, а за Порто имаше речиси 400 настапи.
Веста за неговата смрт особено тешко го погоди Жозе Мурињо, португалски стручњак кој долго време работеше со Кошта и беше тренер на Порто во споменатата 2004 година.
Мурињо ја одржа својата најтажна прес-конференција во кариерата, на која не можеше да ги запре солзите. Тренерот им се обрати на новинарите пред мечот на Фенербахче Феенорд во Ротердам вечерва.
Мурињо добар дел од своето обраќање му го посвети на својот починат пријател.