Спорт
Пред точно 35 години, Мајк Тајсон го „уништи“ својот прв противник и доби 450 долари (видео)
Пред точно 35 години, на 6 март 1985 година, Мајк Тајсон го имаше својот прв професионален меч пред само 2.000 фанови во Олбени, Њујорк, кога анонимниот 18-годишен боксер го совлада Ектор „Секонд-хенд“ Мерцедес.
Сепак, од видеото кое за среќа е сочувано јасно се гледа дека малубројната публика ужива во шоуто кое траеше само 1 минута и 47 секунди. Самиот Порториканец Мерцедес имаше 19 години и 0-3 скор во трите професионални мечеви.
„Вечерта на мечот, бев навистина нервозен. Но, кога го видов во рингот противникот, знаев дека можам да го победам“, пишува Тајсон во својата автобиографија.
За разлика од милионите кои ќе ги заработи во својата кариера, за овој меч „Челичниот“ од својот менаџер Џими Џејкобс доби 450 долари.
„Во првите мечеви воопшто не заработував пари. Мојот прв меч донесе загуба за промотерот, но Џими ми даде 500 долари. Потоа ми зеде 50 долари да му даде на тренерот, а 350 долари стави во банка, така што си заминав само со 100 долари“, се потсетува Тајсон.
Тие први мечеви полека ја изградија репутацијата на Тајсон. Бидејќи не успеа да се квалификува за Олимпијадата во 1986 година, неговите менаџери праќаа ВХС касети со неговите мечеви на новинарите низ САД. Тајсон победи во 18 меча, сите со нокаут, во првите 12 месеци од кариерата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Борусија е во финалето на ЛШ – Хумелс го замолкна Париз
Фудбалерите на Борусија Дортмуд први изборија пласман во финалето на Лаигата на шампиони. „Милионерите“ и во реваншот го совладаа ПСЖ со 1:0. Стрелец на единствениот гол во Париз беше Матс Хумелс во 50.минута. Борусија по пауза ид 11 години е се бори за европската круна. Противник во финалето на „Вембли“ ќе и биде подобриот од второто полуфинале меѓу Реал Мадрид и Баерн Минхен.
ПСЖ имаше повеќе од играта, напаѓаше во првото полувреме, а во офанзива тргнаа во вториот дел, но Килијан Мбапе и соиграчите немаа доволно спортска среќа. Дури четири пати во второто полувреме ја погодија рамката од голот – двапати стативата и исто толку гредата.
И во првиот натпревар Французите двапати ја погодија стативата (Мбапе и Хакими), но ќе остане запишано дека во 180 минути не успеаја ниту еднаш да го совладаат голманот на Борусија, Кобел.
Стрелец на единствениот гол беше ветеранот Матс Хумелс во 50. минута. Јулијан Бранд одлично изведе корнер, а искусниот дефанзивец со глава го совлада Џиџи Донарума.
Спорт
Нан го однесе ПАО на завршниот турнир во Берлин
Кошаркарите на Панатинаикос по пауза од 12 години изборија пласман на завршниот турнир во Евролигата. Вечерва пред 20.000 навивачи во „ОАКА“, Панатинаикос ја доби мајсторката против Макаби со 81:72.
Панатинаикос клучната предност ја направи во воведните четири минути од последната четвртина, период во кој Макаби постигна само два поени.
Големо влијани врз конечниот резултат имаше и односот на слободните фрлања, Панатинаикос изведе 35, Макаби само 10.
Најефикасен во победата на Панатинаикос беше Кендрик Нан со 26 поени, Костас Слукас имаше уште една добра партија со 15 поени и шест скока, додека Хуанчо Ерненгомес постигна 11 поени. Матијас Лесор беше блиску до дабл-дабл учинок со девет поени и 11 скока. Францускиот центар од линијата за слободни фрлања погоди три пати од 14 обиди.
Кај Макаби најефикасен беше Лоренцо Браун со 17 поени.
На завршниот турнир во Берлин од 24 до 26 мај, Панатинаикос во полуфиналето ќе игра против победникот од четвртфиналето меѓу Монако и Фенербахче.
Спорт
Сашко Кедев на Велигден го искачи Макалу (8.485), петтиот највисок врв на светот
Кардиологот и алпинист Сашко Кедев утрото на Велигден се искачи на врвот Макалу кој е висок 8.485 метри и е петти највисок планински врз во светот.
Кедев со експедиција од четворица меѓународни алпинисти и петмина шерпаси се искачи на Макалу. Тој е првиот акедонец кој се искачил на овој врв.
Беше во придружба на искусниот Кили Пемба Шерпа, кој беше еден од 10-те непалски планинари кои се искачија на К2 во 2021 година.
Во историскиот успех на Кедев се запишани и врвовите Монт Еверест (8.848), К2 (8.611), Далагири (8.167), Манаслу (8.163), Броуд пик (8.051), Анапурна (8.091 метри), Cho Oyu (8.201), Нанга Парбат (8.126).