Македонија
(Видео) Заразените сопружници се вратиле од Италија на 27 февруари, во автобусот со нив имало 40-тина патници
Двајцата новозаразени со коронавирус се вратиле од Италија со автобус во кој имало уште 40-тина патници од Скопје, Куманово и Дебар. Министерот за здравство, Венко Филипче, кажа дека сите се идентификувани и откако ќе бидат лоцирани ќе бидат направени интервјуа со нив. Сепак, Филипче вели дека е мал ризикот за второлиниско пренесување на вирусот.
Двајцата новозаразени се од Дебар, брачна двојка, на возраст од 62 и 68 години кои стигнале од северна Италија на 27 февруари.
„Патниците кај кои е утврден вирусот при влез во земјава немале симптоми и за првпат се јавиле на 2 март кај матичен лекар кој не препознал индикации за коронавирус и ги пратил на домашно лекување, а денеска се јавиле во болница во Дебар, каде била поставена индикација“, рече Филипче.
Тие кажале дека откако се вратени имале контакт само со братот на жената. Со него ќе се направи интервју од страна на епидемиолизите за да се утврди дали само тој или и членови на семејството да се стават во изолација. Заболените вечерва ќе бидат пренесени на Инфективната клиника во Скопје. Тие имаат лесна клиничка слика со горна респираторна инфекција.
Филипче кажа дека се најдени имињата на сите патници.
„Најдени се имињата и матичните броеви на сите патници од автобусот и веќе од вечерва и утре патниците откако ќе бидат лоцирани ќе бидат интервјуирани и согласно податоците кои ќе ги дадат и анализа на контакти што тие ги имале ќе бидат преземени соодветни мерки“, рече Филипче.
Министерот кажа дека во најголем ризик се патниците кои седеле три реда зад и пред заболените.
„Многу е мал ризикот за второлиниско пренесување. Ниту ќерката ниту членови на фамилијата ниту сопатници од комбето со кое дојде првата пациентка немаат коронавирус“, рече Филипче.
Тој кажа и дека утре лично ќе разговара со матичниот лекар кој ги пуштил на домашно лекување двајцата заразени и кажа дека тоа е уште една причина да се укаже на важноста за сериозниот пристап кон сите пациенти.
Филипче уште еднаш упати апел до сите државјани кои се враќаат во земјава да даваат точни информации на граничните премини.
Тој информира дека групата туристи од Јапонија и Сингапур веќе се стигнати во земјава, преку преминот Девер Баир, од Романија, и дека сите се здрави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Наследникот на Ципрас во СИРИЗА: Зошто Мицотакис моли да се почитува преспанскиот, а претходно велеше дека е предавнички
Стефанос Каселакис – претседателот на грчката опозициска партија СИРИЗА, кој дојде на местото на Алексис Ципрас реагираше откако претседателката Гордана Силјановска-Давкова ја нарече земјата Македонија, за време на свечената заклетва.
Каселакис по тој повод повика на почитување на договорот.
„Ние, како партија која скапо го плати својот патриотизам, го повикуваме новото раководство на Северна Македонија да се вразуми и да размисли за своите одговорности кон историјата и иднината на нејзиниот народ“, порача Каселакис, пренесе „Прототема“.
Истовремено тој го искритикува грчкиот премиер, Киријакос Мицотакис, зошто сега вели дека Договорот од Преспа треба да се почитува, а претходно тврдеше дека е предавнички.
„Зошто грчката амбасадорка ја напушти салата на заклетвата на новата претседателка на Северна Македонија, која ја нарече својата земја со уставното име што го имаше пред Договорот од Преспа? Зошто Кирјакос Мицотакис моли за почитување на Договорот од Преспа? На крајот на краиштата, нели беше предавнички? Премиерот вели дека не му се допаднал Договорот, но државата има континуитет и затоа мора да се почитува“ Не, господине Мицотакис. Никогаш не молите ништо што е негативно за вашата земја да се почитува. Или го сметате за корисен договор за Грција и се држите до него, или го сметате за лош договор и одите кај вашите истомисленици и го поништувате“, рече тој.
Како што додаде, историската вистина понекогаш бавно се појавува, но секогаш ги оправдува храбрите и вистински патриоти.
Грчката влада предводена од СИРИЗА заедно со Владата предводена од СДСМ во 2018 година го потпиша Преспанскиот договор. Двете партии во тоа време ги предводеа Алексис Ципрас и Зоран Заев. Потоа СИРИЗА ги загуби изборите во Грција, а по кампањата на Мицотакис дека договорот со новото име е штетен за Грција.
Македонија
Пендаровски и’ посака успех на Силјановска-Давкова
Досегашниот претседател Стево Пендаровски ѝ честита на претседателката Гордана Силјановска Давкова за победата на претседателските избори и ѝ посака успех во извршување на функцијата.
По официјалната церемонија на примопредавање на функцијата Претседател, двајцата остварија тет-а-тет средба.
Пендаровски и Силјановска го поздравија спроведениот изборен процес посочувајќи дека изборите беа израз на волјата на македонската јавност и ја демонстрираа демократската зрелост на нашата држава.
Македонија
Фон дер Лајен: За ЕУ неопходно е почитување на обврзувачките договори, меѓу кои и преспанскиот
Претседателката на Европската комисија Урсула Фон дер Лајен преку објава на социјалната мрежа „Икс“ порача дека почитувањето на Договорот од Преспа е обврзувачки за земјата да го продолжи патот кон Европската Унија.
„За Северна Македонија да го продолжи својот успешен пат кон пристапувањето во ЕУ, најважно е земјата да продолжи по патот на реформите и целосно почитување на нејзините обврзувачки договори, вклучително и Договорот од Преспа“, напиша Фон Дер Лаејн.
For North Macedonia to continue its successful path on EU accession it is paramount that the country continues on the path of reforms and full respect for its binding agreements, including the Prespa Agreement.
— Ursula von der Leyen (@vonderleyen) May 12, 2024
Нејзината објава се случува откако претходно денес, новоизбраната претседателка Гордана Силјановска-Давкова, положи заклетва во која го употреби името Македонија, што предизвика реакции во Грција.
Неколку часа претходно, Фон дер Лаејн преку „Икс“ упати честитка до Силјановска-Давкова за изборот.
„Честитки до Гордана Силјановска-Давкова која стана првата жена претседател на Северна Македонија. Вашето лидерство доаѓа во клучен момент, додека вашата земја ги унапредува своите реформи и продолжува на својот пат кон ЕУ. Со нетрпение очекувам да работам со вас“, беше наведено во честитката.
Congratulations, Gordana Siljanovska-Davkova, on becoming the first female President of North Macedonia.
Your leadership comes at a crucial time, as your country advances its reforms and continues on its path towards the EU.
I’m looking forward to working with you.
— Ursula von der Leyen (@vonderleyen) May 12, 2024