Свет
Германија е подготвена да прими 1.500 малолетни бегалци
Германската владејачка демократско-христијанска коалиција ноќеска постигна договор околу прифаќање до 1.500 малолетни бегалци од грчките острови, при што се нагласува дека се работи за решение во рамки на договорот на ниво на Европската Унија.
„Постојат сигнали дека и останатите земји во ЕУ, како Франција, би можеле да дадат свој придонес во пружањето заштита, посебно на загрозените малолетни бегалци од грчките острови“ рекла претседателката на владејачката ЦДУ, Анагрет Крамп-Каренбауер.
Таа нагласила дека Германија намерно посегнала по решение за кое не е потребна согласност од сите членки на ЕУ. Таа додала дека моментално се бара меѓу земјите на ЕУ некој желен да прифати одреден број малолетни бегалци.
Во рамки на акцијата, Германија е подготвена од грчките острови да прими 1.000 до 1.500 деца, при што се работи за малолетници, кои поради тешките болести имаат потреба од итна медицинска помош или се без придружба и млади од 14 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Две украински хидроцентрали беа онеспособени во руските напади
Две украински хидроцентрали се онеспособени откако руските вооружени сили ги нападнале, соопшти украинската компанија „Укрхидроенерго“.
„На 8 мај беше направена значителна штета на хидроцентралите. Две хидроцентрали беа онеспособени“, се вели во соопштението на каналот Телеграм на компанијата.
Се додава дека хидроенергетското производство на Украина „претрпело огромни штети“, и дека поправката на уништената опрема ќе бара „голем напор и значителни финансиски средства“, пренесува украинската агенција УНИАН.
Свет
Разрешен е вицепремиерот на Украина, Александар Кубраков
Украинскиот парламент, Врховната работничка партија, го разреши вицепремиерот на Украина и министер за заедници, територии и развој на инфраструктурата, Александар Кубраков, поради плановите за реконструкција на министерството што тој го водеше, изјави украинскиот пратеник Јарослав Железњак.
Железњак на „Телеграм“ напиша дека за разрешување на Кубраков гласале 272 пратеници од вкупно 450, објави „Укринформ“.
Кубраков е разрешен од должноста поради формирање специјално министерство за развој на заедниците, териториите и станбено-комуналниот сектор и министерство за инфраструктура.
Свет
(Видео) Ние сме во состојба на борбена готовност, Западот ризикува глобален конфликт: Путин од Црвениот плоштад по повод Денот на победата
Во денешниот говор од Црвениот плоштад рускиот претседател Владимир Путин го обвини Западот дека ризикува глобален конфликт и рече дека никој нема да смее да ѝ се заканува на најголемата нуклеарна сила во светот додека Русија ја одбележува победата на Советскиот Сојуз над нацистичка Германија во Втората светска војна.
Додека руските трупи напредуваат против украинските сили поддржани од Западот, Путин ги обвини арогантните западни елити дека заборавиле на одлучувачката улога на Советскиот Сојуз во поразот на нацистичка Германија и поттикнувањето конфликти во светот, пишува „Гардијан“.
„Знаеме до што водат таквите амбиции. Русија ќе направи сѐ за да спречи глобален конфликт“, рече Путин.
„Но, во исто време нема да дозволиме никој да ни се заканува. Нашите стратешки сили се секогаш во состојба на борбена готовност“.