Свет
Тројца италијански затвореници загинаа во немири поради коронавирусот
Тројца затвореници загинаа во немирите што избувнаа поради коронавирусот во затвор во Модена, Италија, во неделата попладне. Во Павија, пак, двајца затворски чувари биле земени како заложници и претепани за време на бунтот, при што им биле одземени клучевите и биле ослободени десетина затвореници, пренесува „Ла република“.
Италијанските затвореници се бесни поради ограничувањата на посетите поради новите правила во врска со коронавирусот, како и поради стравот од она што се случува надвор поради вирусот и стравот од евентуална зараза.
Протести се случија и во затворите во Салерно, Неапол, Фрозиноне, Верчели, Алесандрија, Палермо, Бари и во Фоџа.
Во Модена можеше да се види облак од густ црн чад како се крева од затворот, бидејќи затворениците подметнаа пожар во обид да избегаат, пренесува „Ил Ресто дел Карлино“. Пред неаполскиот затвор „Поџореале“, пак, роднините на затворениците го блокираа сообраќајот во знак на протест барајќи помилување, амнестија или куќен притвор за затворениците.
Видео од инцидентот беше објавено на Твитер од страна на италијанскиот сенатор и поранешен вицепремиер Матео Салвини во неделата.
? Rivolta nelle carceri italiane, questo video arriva da Napoli, Poggioreale, con i parenti dei detenuti che bloccano il traffico.
Situazione gravissima, serve contenere l’escalation dando poteri emergenziali ai comandanti di reparto, il ministro della Giustizia batta un colpo! pic.twitter.com/IHrHaz7zzO— Matteo Salvini (@matteosalvinimi) March 8, 2020
„Многу сериозна ситуација. Неопходно е да се контролира ситуацијата со давање овластување за итни случаи на командантите на одделот“, рече Салвини, кој ја предводи десничарската „Лига“.
Во меѓувреме, затворениците во затворот протестираа и подигнаа барикади, барајќи да се преземат мерки за да се спречи ризикот од зараза со коронавирусот. Двајца полицајци се здобиле со полесни повреди за време на инцидентот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.