Македонија
Ристовски тврди дека не се познава со дел од обвинетите за 27 април
Спиро Ристовски, поранешниот министер од Владата на ВМРО-ДПМНЕ, на денешните воведни зборови пред судот, а во врска со обвинението дека е еден од организаторите на крвавиот четврток рече дека тој не се ни познава со дел од обвинетите.
„Никола Бошковски не го познавам воопшто. Никогаш немам искомуницирано. Со ексдиректорот на УБК Владимир Атанасовски сум имал само 2-3 службени средби, а и со Трајко Вељаноски средбите биле во домен на работата. Не ми е јасно како обвинителството може да верува дека сме направиле некаков план. Нека се извадат листинзи од последниве 10 години, да се види дека комуникацијата со овие луѓе ми била нула“, рече Ристовски.
Тој додаде дека никогаш не присуствувал на состанок или средба на која се разговарало за упад во Собранието.
„Јас немав никакви службени овластувања. Ниту сум учествувал во организација ниту, пак, сум мобилизирал членство да тргне кон Скопје”, рече тој.
На обвинителна клупа за организација на настаните од 27 април се експретседателот на Собранието Трајко Вељаноски, поранешните министри Миле Јанакиески и Спиро Ристовски како и ексдиректорот на УБК Владимир Атанасовски.
Тие се товарат за терористичко загрозување на уставниот поредок и безбедноста, а за бегалците – експремиерот Никола Груевски и Никола Бошковски од УБК постапката беше запрена до нивно пронаоѓање, бидејќи едниот избега во Унгарија, а другиот во Грција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Стани Цаци, Јово грант, доктор тендер корона Филипче-нема кандидат за претседател на СДС кој не е поврзан со криминал
„Иднината на партијата која и ја даде Македонија на тацна на ДУИ се состои во доктор тендер корона Филипче, стани Цаци и Јово грант.
Нема кандидат за претседател на СДС кој не е поврзан со криминал или неспособност“, велат од ВМРО-ДПМНЕ.
Додаваат дека Венко Филипче ќе остане запаметен како човекот кој како министер во ек на корона бркаше провизии од вакцини, по матните тендери за реагенси, набавките во четири очи и колабрираното здравство.
„Славјанка Петровска ќе остане запаметена по луксузната хациенда која ја криеше, и Ковачевски кој ја стануваше на сред митинг да ја видат сите која е.
Јово Деспотовски е директорот на ФИТР кој штанцаше грантови за се и сешто, истиот фонд од кој се делеа пари за обуки на магариња.
И Филипче и Петровска и Деспотовски се поврзуваат со криминалите и неспособноста на Заев и Ковачевски. СДС целосно да се реформира“, истакнуваат од ВМРО-ДПМНЕ.
Македонија
Американскиот амбасадор во Бугарија за македонско-бугарското прашање: „Не поддржуваме дијалог кој промовира дискриминација, омраза или непријателство“
„Ние не поддржуваме дијалог кој промовира дискриминација, омраза или непријателство, покажана од која било земја кон соседните земји или заедници во земјата“, ова во интервју за бугарски медиум го изјави американскиот амбасадор во Бугарија, Кенет Мертен, запрашан за македонско-бугарското прашање.
„Ние не поддржуваме дијалог кој промовира дискриминација, омраза или непријателство, покажана од која било земја кон соседните земји или заедници во земјата. Ние ја осудуваме секоја дискриминација. Не мислиме дека тоа е добро за меѓусоседските односи или за односите меѓу различните заедници во одредена земја, важно е да не се заборави дека пред околу две години беше потпишан договор меѓу Република Северна Македонија и Европската Унија, мислам дека овие земји (т.е. – земјите од регионот) вклучително и Северна Македонија, мора да работи на остварување на критериумите за членство во Европската Унија“, коментира Мертен.
Македонија
Сончево и топло со мала до умерена локална облачност
Времето денеска, ќе биде сончево и топло со мала до умерена локална облачност.
Ќе дува слаб до умерен ветер претежно од југозападен правец. Попладне ќе има услови за појава на краткотраен пороен дожд. Минималната температура ќе биде во интервал од 11 до 18, а максималната ќе достигне од 28 до 36 степени. УВ=8
Во Скопје променливо облачно со слаб до умерен ветер од југозападен правец. Минималната температура ќе се спушти до 16, а максималната ќе достигне до 33 степени.
Во наредните денови следува период на постабилно време и ќе биде сончево и топло со мала до умерена облачност.
Претежно во планинските региони и од крајот на работната недела ќе има услови за изолирана појава на пороен дожд проследен со грмежи.