Крис Харпер Мерсер, кој отвори оган во четвртокот на Колеџот Умпква во американскиот град Рузберг, во сојузната држава Орегон, бил добро вооружен и се подготвувал за долга престрелка со полицајците.

Како што пишуваат во петокот американските медиуми повикувајќи се на полициски извори, 26-годишниот Мерсер имал панцирен елек, пушка, три пиштола и големо количество муниција. Не се прецизира дали успеал да го облече заштитниот елек и дали го искористил целиот арсенал/

Според досегашните сознанија, Мерсер отворил оган во делот од зградата на колеџот во кој се наоѓале наставните лаборатории. Влегол во неколку училници и ги застрелал лицата кои биле во нив.

Како што соопштија за медиумите очевидци и роднина на жртвите, напаѓачот под закана со оружје ги принудувал некои од учениците да му одговорат од која религија се. Како што истакнаа медиумите, оние коишто одговориле дека се христијани Мерсер го застрелал во главата. Сепак, засега нема официјална потврда на овие информации.

На прес-конференцијата шерифот Џон Хенлин изјави дека во нападот се убиени 10 лица, вклучително и самиот напаѓачот. Седум луѓе уште се ранети, од кои тројца се во критична состојба. Мерсер беше убиени во престрелката по пристигнувањето на полициските службеници на местото на настанот, но меѓу нив нема ранети.

Според локалните медиумите, Мерсер живеел во Роузбург, но не учел во споменатиот колеџ. Сé уште не е утврдено дали тој имал некаква врска со оваа образовна институција. „Тој рече дека е многу лут на еден млад човек, полн со омраза“, изјавил еден од припадниците на полицијата за новинарот на весникот The News York Times.

Оние кои го познавале Мерсер, исто така, велат дека кај него била забележлива недружељубивоста, и ретко контактирал со луѓето. Полицијата сé уште води распити на блиските роднини на убиецот, за да ги разјасни мотивите кои го воделе до извршувањето на масакрот. Според медиумите, полицијата особено се концентрирала на верзијата дека ден пред нападот тој тоа го најавил на популарниот интернет форум 4chan.org., каде што бил поттикнуван и од други корисници.

Мерсер, наводно, анонимно напишал дека во една образовна институција наскоро ќе се случи некаков инцидент кој ќе му овозможи да го привлече вниманието на медиумите и „да се најде во вестите“. Истражните органи оваа информација, исто така, сé уште не ја потврдуваат.

За инцидентот веднаш бил информиран претседателот Барак Обама, соопшти Белата куќа, кој подолг период се залага за заострување на американските закони за набавка и носење оружје, како негова иницијатива по серијата масовни убиства. Обама веднаш го повика Конгресот да се согласи со воведување на построгата контрола над огненото оружје во САД. Американскиот челник констатираше дека сличните инциденти како овој стануваат вообичаена појава во земјата оти оружјето во земјата е свртено речиси кон секој човек во земјата.

Обама веќе подолго време се залага за воведувањето построги мерки за контрола на трговијата и поседувањето на огнено оружје. Сите негови иницијативи во оваа насока наидуваат на отпор од припадниците на Републиканската партија во Конгресот, како и од влијателната Национална пушкарска организација, која е главната организациона структура на „лобито за оружје“ во САД.

Весникот The Huffington Post во петокот пресмета дека во текот на последните три години во образовните институции ширум САД, повеќе од 140 пати бил отворен оган од огнено оружје.

Од декември 2012 година, од трагедијата во Њутон, во сојузната држава Конектикат кога беа убиени повеќе од 20 деца од 6 до 10-годишна возраст, во образовните институции низ САД 142 пати било пукано, односно во просек еднаш седмично. Според весникот, само во септември годинава употреба на огнено оружје во училиштата е регистрирано во Калифорнија, Луизијана, Мисисипи, Северна Каролина и Јужна Дакота./крај/мф/сн

Извор: Макфакс