Спорт
Љоренте им приреди „кошмар“ на Ливерпул на нивниот славен стадион (видео)
Маркос Љоренте пред реваншот на Атлетико Мадрид против Ливерпул во вториот меч од осминафиналето на Лигата на шампионите немаше постигнато ниту еден гол во ова натпреварување, но во продолжението даде два гола за „јорганџиите“ да го елиминираат европскиот шампион во луда завршница на меч кој дотогаш не ветуваше многу и во кој на крајот гостите славеа со 3:2!
Ливерпул успеа да ја елиминира предноста од 1:0 која ја имаше Атлетико во регуларните 90 минути со голот на Георгинио Вајналдум, а работите изгледаа одлични за тимот на Јирген Клоп, кога Роберто Фирмино по само четири минути од продолжението постигна гол за 2:0, резултат кој ги водеше „црвените“ во четврт-финале.
Меѓутоа, само три минути подоцна голманот на Ливерпул, Адријан им „подари“ гол на гостите, откако ја прати топката директно кај Жоао Феликс, кој смирено го пронајде Маркос Љоренте, кој искористи уште една грешка на Адријан за да намали на 2:1, резултат кој го водеше Атлетико понатаму поради правилото гол-на-гости.
Во 106. минута, следуваше „нокаутот“ – Љоренте истрча убаво за да добие топка од Мората, и доби шанса за удар кој заврши во десниот долен агол на голот на Ливерпул за 2:2, што значеше дека „црвените“ ќе треба да постигнат уште два гола за да одат понатаму. Сол на раните на Ливерпул стави Алваро Мората, кој во 121. минута осигура Атлетико дури да стигне и до победа во мечот во кој многумина го отпишаа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бањаја ја освои Каталуња, Мартин втор, Маркез трет
Актуелниот шампион Пеко бањаја победи на трката за Големата награда на Каталуња. Возачот на Дукати победи пред лидерот во првенството, Хорхе Мартин (Прамак Дукати) и Марк Макркез (Гресини Дукати).
Бањаја на најдобар начин се рехабилитира за вчерашната грешка во спринт трката, кога како лидер падна и не ја заврши трката. Италијанецот стартуваше добро, ја презеде лидерската позиција. До крајот на петтиот круг го престигнаа Педро Акоста и Хорхе Мартин.
Додека Мартин напред се обидуваше да изгради некаква предност, Бањаја се бореше со Акоста. Дебитантот не успеа да го издржи притисокот, направи грешка заврши надвор од патеката, а потоа Бањаја тргна во лов на Мартин.
Успеа да го престигне на шест круга до крајот. а потоа со речиси две секунди предност како прв ја мина целта.
Третото место му припадна на Макрз, кој имаше уште една одлична трка, бидејќи од 14.место успеа да дојде до подиумот.
Вчерашниот победник во спринт трката, Алеиш Еспаргаро, кој се повлекува на крајот од сезоната, последната трка пред своите навивачи ја заврши на четвртото место.
Генерален пласман: Хорхе Мартин (Прамак Дукати) 155, Франческо Бањаја (Дукати) 116, Марк Маркез (Прамак) 114, Енеа Бастианини (Дукати) 94…
Следната трка во Мото Гп шампионатот ќе се вози во Муџело, Италија.
Спорт
Челси сака да ја „одработи“ казната и да ја прескокне Конференциската лига
Победата на Манчестер јунајтед против Манчестер сити во финалето на ФА Купот во саботата попладне (2:1) го испрати Челзи во Конференциската лига. Сепак, англиски „Телеграф“ навестува дека Челси ќе се обиде да го прескокне ова натпреварување.
Челзи во саботата навечер на својата веб-страница и социјалните мрежи објави дека следната сезона ќе игра во Конференциската лига, но на Островот се шират шпекулации дека тоа нема да биде случај.
Се шпекулира дека Челзи би можел да го следи примерот на Јувентус од минатат сезона.
Јувентус постигна договор со Европската фудбалска унија да се повлече од Конференциската лига и со тоа практично да ја одработи казната поради прекршување на правилата на финансискиот фер-плеј.
Токму тоа го наведува „Телеграф“ во написот на Мет Лоу, кој нагласува дека УЕФА ги контролира финасиите многу построго од Премиер лигата.
Понатамошната логика е јасна, ако Челзи веќе мора да прескокне сезона во Европа, тогаш најлесно е тоа да биде сезона во третото најсилно европско натпреварување.
Дали ќе биде така и дали Њукасл ќе го замени Челзи во Конференциската лига ќе биде познато наскоро.
Спорт
Арасате ја напушти Осасуна
Тренерот на Осасуна, Јагоба Арасате, последен пат го предводеше тимот во саботата. Играчите и навивачите емотивно се простија од тренерот по натпреварот помеѓу Осасуна и Виљареал кој заврши 1:1.
„Ќе се сеќавам колку им бев драг на луѓето, а денес беше кулминација на тоа. Од понеделник почнува времето за носење одлуки“, рече 46-годишниот Арасате на прес-конференција.
Медиумите шепкулираат дека тој ќе ја преземе Мајорка или да се обиде да ја подигне Севилја.
Арасате шест години ја водеше Осасуна, која сезонава ја заврши на 10. место меѓу 20-те клубови од Примера. Засега не се знае кој ќе биде новиот тренер на Осасуна.