Македонија
Спасовски: Здравјето на граѓаните е пред сè и над сè, сите да се однесуваат одговорно
Ситните политички поени нема да придонесат за здравјето и животот на граѓаните, рече техничкиот премиер, Оливер Спасовски, по лидерската средба. Лидерите се договориле дека политичките партии на дневна основа ќе добиваат информации од кризниот штаб, а усогласено е и водењето на политичката кампања. Прашан дали е можно да се свика Собранието доколку има потреба од ребаланс на буџетот, Спасовски рече дека засега нема потреба од таква одлука.
„Здравјето и животот на граѓаните е над сè, но и грижата за економијата исто така. Има предвидено според Уставот во кои ситуации може да се повика Собранието, сега засега нема потреба. Имаме стабилна фискална политика, меѓутоа, ако тоа биде потребно, треба да се стават сите институции на располагање. Ако здравјето е пред сè, што е поважно од тоа сите да бидеме здрави? Цениме дека нема потреба да се носат такви одлуки“, рече Спасовски.
Тој апелираше до граѓаните да не се создава паника и да се информираат од релевантни извори на информации. Спасовски кажа дека со сите политички партии се договориле постојано да се повикува на стопирање на пласирањето лажни вести.
„Апелирам и до граѓаните, одговорно однесување значи и да не ги преплавиме сите маркети и да бараме намирници, заради тоа што нема потреба од такво нешто. Едноставно, нормално и без никаква паника на соодветен начин да реагираме“, рече Спасовски.
Пандемијата прогласена од СЗО за Спасовски е уште една причина за поголема одговнорост и почитување на препораките од институциите.
„Сакам да ги уверам граѓаните дека институциите, односно МЗ има доволен број на заштитна опрема, маски, ракавици и друга опрема, тоа не треба да е прашање за загриженост“, рече Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лукаревска: Оддаваме почит на ликот и делото на Гоце Делчев, неговиот аманет е и за идните генерации
Заменик претседателката на СДСМ и носителка на листа во изборната единица 3 од СДСМ и Коалицијата за европска иднина денеска даде изјава за медиуми во која што посочи дека СДСМ оддава почит на ликот и делото на великанот Гоце Делчев, а неговиот аманет е за сегашните и за идните генерации.
„Денеска оддаваме почит на ликот и делото на Гоце Делчев. Неговиот аманет е и за сегашните и за идните генерации. Делчев е симбол на единството и државотворноста, се борел за слободна и просперитетна држава. Ние сме тие коишто неговиот аманет ќе треба да го продолжиме во иднина“, рече Лукаревска.
Македонија
Владина делегација положи свежо цвеќе на гробот на Гоце Делчев – одбележана 121 годишнина од неговото загинување
Владина делегација предводена од министерката за одбрана Славјанка Петровска заедно со министерката за животна средина и просторно планирање Каја Шукова со положување цвеќе на гробот на Гоце Делчев во црквата „Св. Спас“ во Скопје, ја одбележа 121 годишнина од загинувањето на идеологот и синонимот за народна борба за слобода.
Пред саркофагот на великанот се поклонија и му оддадоа почит и Претседателот на Република Северна Македонија Стево Пендаровски и делегациите на Собранието, на Армијата, на Сојузот на борците, на дипломатскиот кор, на политичките партии како и други почитувачи на делото на Гоце Делчев.
Денес се сеќаваме на големото дело на Гоце Делчев како срцевина на македонската револуционерна и интелектуална борба за македонска држава која е еднаква за сите. Тој се бореше и го положи својот живот за слободна и независна Македонија, неговите идеали и заложби се наша заедничка обврска да продолжиме да градиме демократска и економски напредна земја. Вечен останува споменот на великанот на македонското револуционерно дело и државност Гоце Делчев.
Македонија
Мојсоска: Усеини уништува антифашистичко наследство додека СДС и ДПМНЕ молчат
Од локацијата кај познатата Бела куќа на ул. ,,Димитар Влахов” бр. 9 во Охрид, од каде бескруполозно беше тргната плочата од НОБ, Носителот на ИЕ5 и Генерален секретар на Левица, Јована Мојсоска истакна:
,,Овој културен објект беше уништен од страна на локалниот шериф, Нефи Усеини. Плочата на АСНОМ каде пишува за осудените антифашисти од страна на бугарскиот окупатор, беше тргната пред месец дена. Од градоначалникот Пецаков нема никаква реакција додека се уништува антифашистичкото наследство од страна на поранешниот функционер на ДУИ”.
Мојсоска се наврати кон 2019 година кога беа силни обвинувањата на ВМРО – ДПМНЕ кон Усеини. Според Мојсоска, наспроти тоа, се испоставува дека коалицијата ДПМНЕ – ДУИ сега е уште посилна, благодарение на заедничките бизнис – интереси.
,,Ќе потсетам дека во 2019 година, токму ВМРО-ДПМНЕ обвинуваше дека Усеини го тероризира Охрид. За жал, Охрид го губи својот автентичен изглед, иако за овој објект има Решение за уривање. Институциите молчат, молчи и Министерството за култура кое е раководено од социјал-демократите”, додава Мојсоска за криминалот на поединците и молкот на институциите.
Јована Мојсоска како Носителот на ИЕ5 и Генерален секретар на Левица, порачува:
,,Затоа на 8 мај, да заокружиме број 5, за да ставиме ред во безредието и закон во беззаконието!”