Спорт
Ферстапен загуби од гејмери!

Возачот на Ред бул рејсинг, Макс Ферстапен заврши само на 11. место во „Ол-стар еспортс битката“, електронската трка која требаше да ја пополни празнината по откажувањето на неделното Австралиско ГП во Формула 1.
Трката од 12 круга околу виртуелната верзија на Нирбургринг, германската патека која веќе не е на Ф1 календарот, му припадна на Словенецот Јернеј Симончич и според очекувањата во неа доминираа професионалните гејмери.
Организаторите склопија тим на вистински возачи заедно со најдобрите возачи на симулатори со награден фонд од 10.000 долари, од кои 4.000 отидоа кај победникот. Второто место го освои Кевин Сиги (Мекларен шедоу), додека трет беше Руди ван Бурен, победникот на светскиот шампионат во 2017 кој како награда доби улога на официјален возач на симулаторот на Мекларен.
Шведскиот возач во Индикар серијата, Феликс Росенквист беше најдобар од вистинските возачи на седмото место, додека Американецот Колтон Херта (исто така Индикар) беше 10. Ферстапен ја имаше освоено пол-позицијата и победи во една од трите квалификациски трки, но беше само деветти на стартот на финалето, извртувајќи се на првата кривина.
Покрај нив во трката учествуваа и победникот на Индијанаполис 500, Симон Пажено и поранешните Ф1 возачи Хуан Пабло Монтоја и Рубенс Барикело.
If the information on @esportsearnings is complete: https://t.co/gesGMgQWZq
Then #TheRace winner Jernej Simoncic of Slovenia has just DOUBLED his career earnings in one afternoon. https://t.co/qmaGvhzDit
— RJオコンネル (@rjoconnell) March 15, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер му предаде на Алкараз, Шпанецот го освои Синсинати

Шпанецот Карлос Алкараз ја освои титулата на Мастерсот во Синсинати.
Во финалето, Алкараз славеше по само дваесет минути игра против најдобриот тенисер во светот и бранител на титулата Јаник Синер.
Синер го предаде натпреварот при водство на Алкараз 5:0 во првиот сет. Се уште не е познато за каква повреда станува збор.
Италијанецот се држеше во неколку наврати во пределот на стомакот, па може да станува збор и за вирус. Како и да е, тој донесе одлука дека е подобро да се предаде и да не го загрози својот настап на Отвореното првенство на САД.
Што се однесува до самиот натпревар, тие дваесетина минути минаа во целосна доминација на Алкараз.
За краток период, тој направи дури три брејка против противник кој, во најголем дел, само статираше на теренот.
Пред последниот гем во првиот сет, во кој Алкараз требаше да сервира, Синер седна на клупата и му рече на судијата Мохамед Лајани дека му е жал за навивачите, но дека не може да продолжи.
Тој исто така нагласи дека морал да се обиде, што имплицира дека здравствените проблеми се појавиле пред почетокот на мечот.
Foto/ X
Спорт
Интер сака да го врати Онана

Интер наводно повторно ја следи ситуацијата со својот поранешен голман Андреа Онана откако Манчестер јунајтед го изостави од составот за отворањето на сезоната во Премиер лигата.
Според „Сан“, италијанскиот клуб внимателно го следи неговиот статус бидејќи има сè повеќе шпекулации за иднината на Камерунецот на „Олд Трафорд“. Се додава дека Интер е заинтересиран за враќање на 29-годишникот, кој замина во Јунајтед во 2023 година.
Од неговото доаѓање, тој не ја оправда отштетата од 56 милиони евра, а со оглед на тоа што тренерот на Интер бара нов голман, додека Јан Сомер во моментов е прв избор, враќањето би можело да стане реална опција.
Фото/ Принтскрин
Спорт
Лукаку ќе го пропушти првиот дел од сезоната

Тежок удар за Наполи пред почетокот на сезоната во Серија А во која ја бранат титулата. Ромелу Лукаку се повреди и го очекува подолга пауза.
Напаѓачот кој минатата сезона забележа дабл-дабл учинок од 14 гола и 11 асистенции го повреди квадрицепсниот мускул и ќе му биде потребна операција. Се очекува да отсуствува четири до пет месеци.
Огромен проблем за Конте и Наполи. Бидејќи сега Наполи како класичен напаѓач го има само Лоренцо Лука засилувањето од Удинезе.
Затоа е јасно дека Наполи ќе мора да се активира на пазарот. Според првите информации, целта е Расмус Хајлунд од Манчестер јунајтед. Идејата на Наполи е да го доведе на позајмица.
Сепак, Наполи не е единствениот што е заинтересиран за Данецот. Милан е во игра веќе некое време и преговара со „црвените ѓаволи“ и го сака Хојлунд во случај да не постигнат договор со Душан Влаховиќ. Како што стојат работите, Хојлунд е на добар пат да се врати во Серија А.