Македонија
СДСМ: Граѓаните да ги почитуваат препораките од институциите, следуваат мерки за помош на економијата
Секој граѓанин треба да продолжи да ги почитува мерките и препораките за да се спречи натамошно ширење на вирусот Ковид-19. Јавното здравје е, пред сè, и секоја индивудуа мора да преземе одговорност во негова заштита. Во полн капацитет работат сите институции, ангажирани се сите стручни лица. Се носат важни и храбри одлуки за справување со ширењето на вирусот, соопшти СДСМ.
Според партијата, паралелно со грижата за здравјето на граѓаните, Владата и инстутиците работат на тоа да заздрави економијата и за таа цел остварени се средби со стопанските комори и работодавците со гувернерот на Народната банка за да се утврдат сите инфомации за фискалните импликации врз бизнисот.
„Набргу Владата излегува со конкретни и реални мерки за директна помош на домашната економија, особено за оние сектори што се најпогодени. Во период кога државата, но и светот, се соочуваат со сериозна здравствена закана, важно е граѓаните да бидат целосно, навремено и точно информирани. Затоа, јавноста, граѓаните, да ги следат информациите на институциите, кои секојдневно по неколкупати информираат за состојбата со коронавирусот. Не смее и нема да се дозволи неодговорно пласирање лажни вести во борба за сензационализам и профитерство за сметка на здравјето на граѓаните“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно, попладне пороен дожд, грмежи и засилен ветер
Времето денеска ќе биде променливо облачно, попладне и во вечерните часови на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со обилен пороен дожд за кратко време, силни електрични празнења, засилен ветер и појава на град. Минималната температура ќе биде во интервал од 6 до 12, а максималната ќе достигне од 20 до 26 степени.
Во Скопје променливо облачно. Попладне и во вечерните часови ќе биде нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 11, а максималната ќе достигне до 25 степени.
До петок ќе се задржи променливо облачно време, на повеќе места нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време, силни електрични празнења, засилен ветер и појава на град. Дневната температура од четврток ќе биде во опаѓање. Во деновите од викендот условите за нестабилност ќе се намалат.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.