Македонија
Бектеши: Храна има доволно, купувајте разумно
Министерот за економија, Крешник Бектеши, заедно со директорот на Државниот пазарен инспекторат, Стојко Пауновски, денеска во Министерството за економија одржа работен состанок со претставници од сите најголеми супермаркети и дистрибутери на прехранбени производи во државата.
На состанокот се разговараше за мерката што ја донесе Владата за замрзнување на цените на основните прехранбени производи, и тоа на лебот, солта, зејтинот, млекото и млечните производи, јајцата, брашното, месото, тестенините, лековите и дезифекциските сретства, и тоа со состојба на денот на прогласување на пандемијата на СЗО, освен оние за кои има доказ дека им се зголемени влезните фактури.
На состанокот се разговараше и за резервите на основните производи со кои располагаат супермаркетите и дистрибутерите, за контролата на терен од страна на Пазарниот инспекторат, како и начинот на работа и на организација на трговските објекти со цел поголема заштита и безбедност на потрошувачите.
„Заеднички со претставниците на супермаркетите и дистрибутерите одлучивме дека нема простор за паника. Има доволно резерви на основните продукти. Нам ни останува да бидеме свесни и да се грижиме за здравјето на граѓаните и на вработените во супермаркетите, кои се на најголем удар и контакт со потрошувачите“, потенцира Бектеши.
Министерот ги повика сите граѓани разумно да купуваат, но истовремено супермаркетите да направат внатрешни планови на организација за да им излезат во пресрет на потрошувачите.
„Супермаркетите се општествено одговорни и убеден сум дека ќе се организираат на најдобар можен начин“, потенцира Бектеши.
Како што најави министерот за економија, Бектеши, Пазарниот инспекторат ќе врши контроли во супермаркетите дали се почитуваат цените, а граѓаните, доколку забележат непочитување на оваа мерка, може да пријават на телефонскиот број 02 3220-547. Ќе се вршат контроли и во магацините и дистрибутивните центри за да ја утврди ситуацијата за можни скриени резерви на основните прехранбени производи.
„Обврска на Пазарниот инспекторат е да врши надзор на одлуките што ги носи Владата. Сите пазарни инспектори, дури и оние што може да ги користат олеснувањата во согласност со препораките на Владата, се на терен. Вкупно 18 часа инспекторите се на терен. Сакам да упатам благодарност до сите оние што ги почитуваат препораките за да останат помалку луѓе што ќе бидат подложни на контролата на Пазарниот инспекторат. Од наша страна ќе направиме сè да им излеземе во пресрет и на граѓаните и на супермаркетите, сè со цел да им излеземе во пресрет во оваа кризна состојба“ истакна директорот на Државниот пазарен инспекторат, Стојко Пауновски.
Претставниците од супермаркетите и дистрибутерите на храна информираа дека имаат резерви за 30-45 дена како во редовни услови. Им порачуваат на граѓаните да не паничат, да бидат релаксирани и да водат сметка единствено за своето здравје.
„Состојбата е под контрола. Нема апсолутно причина за паника, за купување резерви. Нашите резерви се за 30-45 дена, во редовниот обем. Трговците и државата стојат зад нас, охрабрени сме. Сакаме да ги релаксираме потрошувачите, сите стратегиски артикли ќе ги има во доволни количини“, изјави Љупчо Васовски, претставник на „Тинкес“.
Претставниците од трговскиот синџир „Веро“, по средбата, истакаа дека ги координираат сите активности за нормално фунцкионирање.
„Работиме максимално на заштита на условите на работа на сите наши вработени, но и на потрошувачите. Во постојан контакт сме со доставувачите и правиме максимални напори за снабдување на дефицитарните производи. Апелирам дека нема потреба од паника, работиме интензивно. Сите потреби ќе бидат намирени“, истакна Петар Денковски, претставник од „Веро“.
Дистрибутерите на храна се согласни со супермаркетите дека нема простор за паника. Сопственикот на „Даути комерц“, Џемаил Даути, порача до институциите да имаат постојан контакт со соседните државни за да нема застој на граничните премини.
„Минатата недела имавме тешкотии за увоз на стока, но од вчера, благодарение на Владата, коридорите се ослободени од земјтие кои направија ограничувања. Веќе се регулирани коридорите од каде што доаѓа стоката. Нема место за паника. Имаме резерва за 30 дена и тековно се носи стока. Бараме постојано контакт со соседните земји за да нема застои на граничните премини, како и да се ослободат контингентите и царинските давачки за брашно, зејтин и шеќер, да има забрана за увоз од Србија, каде што цените се пониски“, истакна Џемаил Даути, сопственик на „Даути комерц“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Анима Мунди“ до кандидатите за градоначалници: Односот кон животните е тест за институционална зрелост
Во пресрет на изборите, Здружението за заштита на животните „Анима мунди“ апелира прашањето за благосостојбата на животните конечно да стане централно прашање од јавен интерес, а не тема на маргините. Во своето соопштение тие нагласуваат дека односот кон животните покажува дали општеството е хумано или сурово, дали владеат вредности или безредие.
„Анима мунди“ ги повикува сите кандидати за градоначалници да се изјаснат околу осум конкретни барања, меѓу кои: масовна стерилизација, вакцинација и микрочипирање на уличните животни; стационари управувани од активисти и 24/7 итна служба; контрола на сопствеништвото на миленици и стимули за одговорни граѓани; програми за хумана контрола на бројноста на уличните мачки; засилена инспекција и санкционирање на насилството врз животни; забрана за користење коњи како влечни животни во градовите; трансформација на зоолошките градини во центри за рехабилитација и конзервација; изградба на гробишта за миленици.
„Ќе преземете ли одговорност – или ќе останете дел од проблемот?“, прашуваат од „Анима мунди“, додавајќи дека очекуваат јасни и конкретни одговори од сите кандидати.
Платформата зад барањата ја поддржуваат и повеќе организации: „Шепасти ентузијасти Скопје“, „Мали херои Битола“, Paws-2021 / „Шепи-2021“, „Kumanovo Animal Save“, „NARD Macedonia“, „Ејнџелкетс Скопје“, „Е.Д.Е.Н.“ и „Лина спаси живот – Кавадарци“.
Секое јавно изјаснување, најавуваат од здружението, ќе биде споделено преку нивните платформи со 70.000 членови и партнерски страници, како и преку националните и локалните медиуми.
Македонија
„Од 7.000 на 10.000 го зголемуваме надоместокот за новороденче“, најави Герасимовски
Кандидатот за градоначалник на општина Центар од редовите на СДСМ, Горан Герасимовски, синоќа беше на терен, на средби со граѓаните „од врата до врата“. Во разговорите со центарци, тој најави дека во новата програма надоместокот за новороденче се зголемува од 7.000 на 10.000 денари.
„За 50% го зголемуваме надоместокот за новороденче, од 7.000 на 10.000 денари. Со оваа мерка ги поддржуваме центарските семејства.. Родителите добиваат поголема финансиска поддршка во најважниот период, кога се раѓа нов живот и започнуваат нови семејни предизвици. Ги зголемуваме субвенциите за сите категории на граѓани“, рече Герасимовски.
Тој, потенцираше дека развојот мора да продолжи, а концептот „За Центар што го сакаме“ е единствениот што нуди поквалитетен живот на центарци.
„Развојот мора да продолжи, а тоа ќе го постигнеме ако сите заедно се обединиме „За Центар што го сакаме“. Затоа, ве повикувам во недела, 19 октомври, масовно да излеземе на гласање и да го дадеме својот глас за бројот 5, за напредени модерен Центар“, порача Герасимовски.
На средбите со граѓани, тој ги презентираше и клучните проекти за вториот мандат, меѓу кои: модерен дом за стари лица на Водно, нова градинка во близина на Клиничкиот центар, набавка на две цистерни и пет метларки, ограничување на движењето на возилата во Дебар Маало за намалување на метежот, изградба на две монтажни катни гаражи, нов административно-граѓански објект, два покриени базени, како и воведување на „Центарска картичка“ со бројни поволности и попусти за жителите.
„Во изминативе години покажавме што значи одговорно и посветено водење на општина. Реализиравме проекти што го подобрија секојдневието, уредивме улици, зголемивме зеленило и создадовме подобри услови за младите и повозрасните,“ рече Герасимовски.
Македонија
„ЈО и Коцевски да одговорат дали дискотеката Пулс платила 40.000 евра, дали Спасовски ја спасил Пулс од казна“, прашува ВМРО-ДПМНЕ
„ЈО и Коцевски да не молчат и да кажат на јавноста дали дискотеката Пулс платила казна од 40.000 евра или сепак како што се тврди во телефонската комуникација што излезе во јавноста Спасовски интервенирал за да се избегне плаќање“, велат од ВМРО-ДПМНЕ.
„Доколку казната не е платена Спасовски итно треба да е повикан на одгoворност и целата постапка да се истражи до крај. Доста е со калкулации, со заштита на моќниците блиски до СДС, потребно е конечно да се стави крај на политичките влијанија во судството.
Дали Спасовски ја спасил Пулс од казна и која е неговата улога во аферата?
До кога ќе молчи ЈО и Коцевски?
Дали Љупчо Коцевски има задача да ги штити функционерите од СДС?
Одговорност мора да има за секој кој е инволвиран во случајот со дискотеката Пулс. Овој случај не смее дополнително да ја поткопа довербата во институциите и судството.
Секој сомнеж мора да биде расчистен. Секој кој е вмешан во случајот треба да се санкционира. Да се стави крај на заштита на привилегираните функционери на СДС и ДУИ. Време е за владеење на правото и правдата“, соопшти ВМРО-ДПМНЕ.
„Од 7.000 на 10.000 го зголемуваме надоместокот за новороденче“, најави Герасимовски
Кандидатот за градоначалник на општина Центар од редовите на СДСМ, Горан Герасимовски, синоќа беше на терен, на средби со граѓаните...
„ЈО и Коцевски да одговорат дали дискотеката Пулс платила 40.000 евра, дали Спасовски ја спасил Пулс од казна“, прашува ВМРО-ДПМНЕ
„ЈО и Коцевски да не молчат и да кажат на јавноста дали дискотеката Пулс платила казна од 40.000 евра или...
Трамп постигна прекин на огнот во Газа, но сега се појавуваат три големи прашања
Американскиот претседател Доналд Трамп успеа да ги донесе Израел и Хамас на преговарачка маса и да постигне прекин на огнот,...
(Видео) Трамп по враќањето од Израел: „Ова беше историски ден за светот“
На летот за Вашингтон од Израел и Египет, американскиот претседател Доналд Трамп разговараше со новинарите во авионот „Ер Форс Уан“....
Кина одговори на мерките на САД: специјални пристанишни такси за американските бродови
Кина официјално почна да наплаќа посебни пристанишни такси за бродови во сопственост, управувани, изградени или кои го пловат американското знаме,...
(Видео) Се урна рудник во Венецуела, најмалку 14 мртви
Најмалку 14 лица загинаа откако рудник за злато се урна во општината Ел Калао во јужна Венецуела по обилните дождови...
(Видео) „Спејс Икс“ на Маск ја лансираше единаесеттата ракета „Старшип“
„Спејс Икс“ на Илон Маск вчера ја лансираше својата единаесетта ракета „Старшип“ од „Старбејс“ во Тексас. Starship's eleventh flight test...
(Видео) Жесток руски напад врз Харков, погодена болница: 30.000 луѓе останаа без струја
Руските сили го нападнаа Харков со наведувани бомби, прекинувајќи го снабдувањето со електрична енергија на 30.000 корисници во три области,...
Трамп го потпиша мировниот договор за Газа: „Поминаа 3.000 години за да се стигне до ова“
Американскиот претседател Доналд Трамп го потпиша првиот мировен план за Газа, изјавувајќи при потпишувањето: „Поминаа 3.000 години за да се...
ЕУ отвора центри за вештачка интелигенција во Македонија и Србија
Претседателката на Европската комисија, Урсула фон дер Лајен, денеска најави дека Европската унија ќе отвори две „ВИ фабрики“ (центри за...
Поранешен дечко со оружје дошол пред домот на девојка во Гевгелија, полицијата го спречила
Полицијата во Гевгелија денеска спречи обид за убиство на девојка од нејзиниот поранешен партнер. Според информациите на Министерството за внатрешни...
Алиу лично е за токсиколошка проверка да биде законска за сите лекари, но не знае дали правно може да се дефинира
Министерот за здравство Азир Алиу лично смета дека треба да се додаде законска обврска за токсиколошки анализи на сите лекари...
Јован Божиновски назначен за нов директор на Клиникaта за неврологија, соопшти Алиу
Министерот за здравство Азир Алиу, на денешната прес-конференција информираше дека за нов в.д. директор на Клиниката за неврологија е назначен...
Ѓорѓиевски дискотеките ќе ги извади на периферијата, младите брачни двојки ќе бидат 100 % ослободени од комуналии ако градат куќа
Иднината на Скопје, кандидатот за градоначалник од ВМРО – ДПМНЕ, Орце Ѓорѓиевски ја гледа како град кој функционира паметно, брзо...
Новата грејна сезона официјално почнува на 15 октомври: испораката на топлинска енергија ќе зависи од атмосферските услови
Од 15 октомври, официјално почнува грејната сезона 2025/2026 година за сите потрошувачи приклучени на системот за централно греење во градот...
Инспектор од Тетово уништувал докази во постапка против неговиот син кој бил уапсен за трговија со дрога
Полицијата поднесе кривична пријава против двајца инспектори од Отсекот за недозволена трговија со дрога и оружје при СВР Тетово за...
Граѓаните да се пријавуваат на vakcinacija.mk за вакцинирање против сезонскиот грип
Во тек е дистрибуција на вакцините против сезонски грип низ јавните здравствени установи, граѓаните може да се пријавуваат на апликацијата...
На полноќ завршува објавувањето резултати од анкетите за локалните избори
Агенцијата за аудио и аудиовизуелни медиумски услуги ги потсетува радиодифузерите дека согласно Изборниот законик, резултатите од испитувањата на јавното мислење...
(Видео) Израелските заложници контактираа со своите семејства преку видеоврска пред да бидат ослободени
Некои заложници што ги држеше Хамас можеа да разговараат со своите семејства преку видео повик кратко пред нивното ослободување, објавија...
(Видео) Ослободени сите живи заложници од Газа
Тринаесет преостанати живи заложници што ги држеше Хамас во Појасот Газа се ослободени и предадени на Црвениот крст, објавија израелските...
