Спорт
Челси тргнуваат по Кутињо?

Челси се заинтересирани во текот на летниот преоден рок да го донесат Бразилецот Филипе Кутињо од Барселона, но се одвратени од сумата од 90 милиони евра која ја бара каталонскиот клуб, тврди каталонскиот весник „Спорт“.
Челси би сакале да го донесат поранешниот плејмејкер на Ливерпул првично на позајмица, како што е договорен во моментов со Баерн Минхен. Барселона би сакале што е можно побргу да ја решат ситуацијата на Кутињо и преферираат да добијат кеш за фудбалерот кој ветуваше многу кога пристигна на „Ноу Камп“.
Според „Спорт“, во Барселона сфаќаат дека со ситуацијата со корона вирусот, клубовите ќе бидат внимателни со купувањата, посебно бидејќи не се знае кога ќе се продолжи сезоната и дали ќе играат европски фудбал следната сезона.
Баерн веќе потврдија дека нема да ја искористат опцијата да го купат Кутињо за 110 милиони евра по релативно слабата сезона, но тој има многу почитувачи во англиската Премиер лига, како Тотенхем , кои исто така се подготвени за позајмица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хорхе Мартин ќе ја пропушти и Големата награда на Аргентина

Актуелниот светски шампион во Мото ГП, Хорхе Мартин нема да ја вози и втората трка сезонава.
Хорхе Мартин ќе ја пропушти првата трка сезонава во Тајланд овој викенд, а откако заработи нова повреда нема да вози ниту во Аргентина.
Возачот на Априлија ја повреди другата рака за време на првиот тренинг по операцијата на скршеница на раката и ногата, поради што било потребно да се изврши уште една операција.
Големата награда на Аргентина ќе се вози на 16 март.
Спорт
„Нула бодови за тимовите кои ќе одиграат 0:0“

Поранешниот шпански репрезентативец Џерар Пике има идеја како да ги направи натпреварите уште поатрактивни за навивачите.
Поранешниот фудбалер на Барселона во подкастот на Икер Касиљас даде предлог дека на тимовите кои ќе одиграат натпревар без голови да не добијат по еден бод. На тој начин, рече, ќе бидат казнети за таквиот пристап.
Тој додаде дека е апсурдно навивачите да трошат стотици евра за да дојдат на натпревар, а потоа да гледаат два тима како играат меч без голови.
Затоа, тој смета дека таквиот резултат треба да биде соодветно „награден“ – со нула бодови за двете екипи.
„Не е во ред да се трошат 100, 200 или 300 евра за билет, а натпреварот да заврши 0-0. Нешто мора да се промени. Една идеја е дека ако натпреварот заврши без голови, ниту една екипа не добие бод. Тоа секако би имало влијание мечот да биде отворен најмалку 70 минути”, смета Пике.
Спорт
Аморим: Одлуката да го заменам Гарначо нема врска со случајот со Рашфорд

Нов конфликт во Манчестер Јунајтед или одмрзнување на стариот. Рубен Аморим го замени Алехандро Гарначо на полувремето против Ипсвич, поттикнувајќи ја старата приказна дека Португалецот и Аргентинецот навистина не се согласуваат.
Аморим, пред два месеци не го вклучи Гарначо во протоколот против Манчестер сити, тогаш во составот не беше и Маркус Рашфорд. Тренерто се правдаше дека овие двајца не се ангажирале доволно на тренинзите.
Синоќа, кога на полувремето го извади Аргентинецот од игра, а Гарначо наместо на клупата замина директно во соблекувалната, приказната повторно им стана интересна на англиските медиуми. Маркус Рашфорд веќе не е во Манчестер јунајтед, се пресели на позајмица во Астон Вила.
„Правите врска со Рашфорд, нели? Знам, знам… Прво ќе морам да разговарам со Гарначо. Значи, ако сакате, ќе разговараме за тоа на следната прес-конференција. Но, морам да кажам дека беше влажно и студено“, рече Аморим.
Манчестер јунајтед по голема борба и пресврт го совлада Ипсвич со 3:2 на „Олд Трафорд“.