Свет
Кина тврди дека јапонскиот лек дејствува против коронавирусoт
Кинеската влада објави дека јапонскиот лек против вирусот на грип, исто така, има ефект врз коронавирусот, пренесува јапонскиот весник „Никеи“.
Пекинг веќе започна со препорака на лекот „фавипиравир“, кој се продава во Јапонија под името „авиган“.
Директорот на кинескиот Центар за развој на биотехнологија, Џaнг Сјинмин, рече дека јапонскиот лек против грип „не предизвикал никакви несакани ефекти за време на клиничкото испитување“, објави кинеската новинска агенција „Синхуа“.
Лекот го прави јапонската компанија „Фуџифилм Тојама хемикал“, а од февруари им се дава на пациентите заразени со коронавирус во Јапонија.
Во Јапонија постои резервираност околу употребата на „фавипиравир“, пишува јапонски „Никеи“. Лекот беше одобрен во Јапонија во 2014 година под услов да се користи само доколку владата тоа го одлучи поради борбата против нови вируси на грип или оние кои повторно се појавуваат. Научните студии покажаа дека лекот може да предизвика деформитети или смрт на неродени деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството за одбрана на Русија.
„Со цел да се зголеми подготвеноста на нестратешките нуклеарни сили за извршување на борбени задачи, Генералштабот започна со подготовки за одржување вежби со ракетните формации на Јужниот воен округ“, се наведува во соопштението.
Како што се посочува, маневрите ќе се одржат во блиска иднина и ќе ги опфатат и авијацијата и морнарицата.
„Целта на вежбата е да се одржи подготвеноста на персоналот и опремата на единиците за борбена употреба на нестратегиско нуклеарно оружје за одговор и обезбедување на територијалниот интегритет и суверенитет на државата“, наведуваат од Министерството.
Тие додаваат и дека тоа е „одговор на провокативните изјави и заканите на одредени западни функционери“ против Русија.
Свет
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на Газа, објави израелското воено радио.
Според извештајот, евакуациите сега се концентрирани во неколку периферни квартови на Рафа, од кои се вели дека евакуираните лица се насочуваат кон градовите со шатори во блиските Кан Јунис и Ал Муваси.
Меѓутоа, во она што се чини дека е почеток на евакуација на цивили пред копнен напад, израелската армија ги повика Палестинците во источните делови на Рафах да се преселат во блиската „хуманитарна област“.
По седуммесечната офанзива против Хамас, Израел соопшти дека во Рафа се засолниле илјадници борци од палестинската исламистичка група и дека победата е невозможна без заземање на градот.
Со оглед на тоа што повеќе од еден милион раселени Палестинци се засолнети во Рафа, изгледите за операција со многу жртви ги загрижуваат западните сили и соседниот Египет.
Свет
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано да дадат заклетва за лојалност оваа година на неговиот роденден, соопшти јужнокорејскиот Институт за развој на југ и север (SAND) со седиште во Сеул.
Во петокот, институтот објави фотографии од текстот на заклетвата во папката, за која се верува дека е направена на 40-тиот роденден на Ким, 8 јануари, пренесува Ројтерс.
Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на родендените на неговиот татко и дедо, претходни севернокорејски лидери.