Свет
(Видео)Камерите снимиле неидентификувани објекти како се спуштаат во кратерот на Попокатепетл
Веб-камерите кои секојдневно го снимаат вулканот Попокатепетл забележале неидентификовани летечки објекти како се спуштаат во кратерот на вулканот, пренесува „Спутник“.
Снимката што на социјалните мрежи ја објави Есмералда Мартинез ја подгреа фантазијата на теоретичарите на заговори кои тврдат дека не посетуваат вонземјани. На снимката се гледа бело НЛО кое праволиниски излегува од вулканот Ел Попо, а потоа уште три НЛО кои влегуваат.
Познатиот теоретичар на заговори, Скот Варинг, на својот блог „ET Database“ објави: „Ова е одлично откритие, неколку НЛО-а околу познатиот мексикански вулкан Попокатепетл“.
Овој „ловец“ на вонземјански појави продолжува:
„Се гледа како едно НЛО го напушта врвот на вулканот и заминува директно во вселената, а потоа се гледа уште еден кој влегува во вулканот. Апсолутен доказ за тоа што ние, истражувачите на НЛО веќе го знаевме: дека постои база на вонземјани на 5-6 километри под овој вулкан“.
UFOs Leaving And Entering Volcano In Mexico On Live Cam, Video, UFO Sighting News. https://t.co/IuNJJhtaZ2 #aliens #et #space #biology pic.twitter.com/mPYC9OQLtN
— ET DATA BASE (@UFO_Sightings_X) March 12, 2020
Вулканот Ел Попо е висок 5.426 метри и е втор по големина во Северна Америка. Особено е активен во последните неколку месеци кога неколкупати исфрлаше вжарени камења и облаци пепел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Приведени 100 учесници на пропалестинските демонстрации на Универзитетот во Бостон
Полицијата денеска го растури студентскиот протест против израелската агресија во Појасот Газа на североисточниот универзитет во Бостон, а Универзитетот соопшти дека се уапсени околу 100 студенти.
Од универзитетот додаваат дека секој што имал универзитетска лична карта е ослободен и дека „ќе се соочи со дисциплинска постапка на универзитетот, но не и законска постапка“.
Во соопштението на универзитетот се нагласува дека активностите на демонстрантите се зголемени на ниво кое училиштето „не може да го толерира“, пренесува Бостон Хералд.
Les étudiants de l'Université Northeastern de Boston ont empêché les fourgons de police de quitter les locaux avec les étudiants arrêtés après avoir tenté de démanteler le camp de solidarité de Gaza. pic.twitter.com/bnJQQJ7YZU
— Marysieńka (@MarieMarysienka) April 27, 2024
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Свет
(Видео) Нарачала фустани преку интернет, а во пакетот ѝ стигнала епрувета со крв
Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена.
Во кутијата, покрај облеката, пронашла епрувета со човечка крв и конзерва грав!
„Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати.
Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post.
Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници.
„Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата.
Жителката на Тенеси објави серија видеа во кои ги информира своите следбеници за најновите случувања.
Претставник на транспортната компанија изјави:
„Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“.
Сè уште не се знае чија крв е во шишето, а конзервата со грав е уште поголема мистерија.
@anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound