Свет
Луѓето од целиот свет ги палат божикните светилки за да го подобрат расположението
Градовите во целиот свет продолжуваат да спроведуваат заштитни мерки за да го спречат ширењето на коронавирусот. Но, додека властите се обидуваат да го спречат ширењето на Ковид-19, пандемијата и сите проблеми што произлегуваат од тоа создаваат проблеми во секојдневниот живот.
За да се расположат себеси, но и заедниците во кои живеат, луѓето повторно почнаа да палат божикните светилки.
My youngest son was bored today and said, "can we put Christmas lights on our tree outside to cheer us up?" Great idea buddy. Lights are on tonight as a sign of hope and the sweet mind of my 10 year old. #Rhodeisland #hope #lovemysons #Christmas #Cumberland pic.twitter.com/qhVjeuLc02
— Mike Griffin (@rhodyknowsbest) March 16, 2020
„На мојот најмал син денес му беше здодевно дома и ми предложи да ставиме божикни светилки на дрвјата за да нè развеселат“, напиша Мајк Грифин на „Твитер“: „Одлична идеја, пријател, повторно да ги запали светилките како знак на надежта и прекрасниот ум на мојот 10-годишен син“.
My Christmas lights are back on, cause this is what I need right now. ☘️? pic.twitter.com/buOl0cTNDq
— Pam Swan (@prairieswan) March 18, 2020
Многумина го следат овој пример и повторно ги палат божикните светилки и споделуваат слики на социјалните мрежи.
Today a few of my neighbours decided we needed a bit more light in this dark time and decided to turn their Christmas lights back on. I hope it brings a smile to you face like it did mine. pic.twitter.com/MukgY36FTj
— Nadine (@NadineGB204) March 18, 2020
Осветлени се влезовите, покривите и цели дворови, со што карантинот е малку повесел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелските медиуми ги објавија трите барања на шефот на Хамас за ослободување на заложниците
Лидерот на палестинската исламистичка организација Хамас во Појасот Газа, Јехја ал Синвар, и понатаму има три барања во преговарачката понуда за договорот за заложниците, објавија медиумите.
Синвар сè уште бара загарантиран крај на војната, изјави синоќа за израелската телевизија Канал 12 извор близок до лидерот на Хамас. Израел тоа барање досега го отфрлуваше.
Синвар, наводно, сака писмена обврска за „безусловно прекинување на непријателствата“.
Според израелската телевизија, ал-Синвар побарал и Израел да не го спречува враќањето на Западниот Брег на палестинските затвореници кои треба да бидат ослободени во замена за заложниците земени од Израел.
Според последниот нацрт на договорот, Израел сака да ги испрати оние кои отслужуваат доживотна казна затвор во Појасот Газа или во странство.
Понатаму, лидерот на Хамас сака детали за материјалите што Израел нема да дозволи да бидат испорачани во Газа за реконструкција.
Според извештајот, во Израел се претпоставува дека Хамас нема да даде јасен негативен одговор на предлогот поради меѓународниот притисок. Египетските посредници, со поддршка на САД, во моментов се обидуваат да постигнат договор.
Милитантната исламистичка организација Хамас претходно објави дека повторно ќе испрати делегација во Египет за да ги заврши индиректните преговори со Израел за ослободување на заложниците и договор за прекин на огнот.
Египетската државна телевизија Ал-Кахира њуз објави дека делегација на Хамас треба да пристигне во Каиро во следните два дена за продолжување на преговорите.
Израелската влада најави дека во брзо време ќе започне офанзива во Рафах на југот на Појасот Газа, на границата со Египет, доколку не се постигне договор.
Европа
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот во регионот Суми.
Според извештаите, операторите во украинската единица забележале руски противвоздушен ракетен систем Бук-М1 додека изведувале борбени операции на фронтот.
Операторите потоа користеле нападни беспилотни летала за да ја нападнат целта. Русите неуспешно се обиделе да го изгаснат пожарот и да ја спасат својата опрема, тврдат Украинците. Тие споделија и видео на кое се гледа експлозијата и последователниот пожар.
Украинците наведуваат дека лансерот со шест проектили бил уништен со прецизен удар. Инаку, Украинците во вторникот пријавија и уништување на два Бука на истиот дел од бојното поле.
Свет
Турција ја прекина целата трговија со Израел
Турција од вчера го прекинува целиот извоз и увоз со Израел, соопшти турското Министерство за трговија, наведувајќи ја како причина „влошената хуманитарна трагедија“ на палестинските територии.
„Суспендирани се извозни и увозни трансакции поврзани со Израел и тоа се однесува на сите видови производи“, соопшти турското Министерство за трговија.
„Турција строго и решително ќе ги спроведе овие нови мерки додека израелската влада не дозволи непречен и доволен проток на хуманитарна помош во Газа“, се додава во соопштението.
Израелскиот министер за надворешни работи Израел Кац изјави претходно вчера дека турскиот претседател Реџеп Таип Ердоган „ги прекршил договорите (меѓу Израел и Турција) блокирајќи го израелскиот увоз и извоз на пристаништата.