Спорт
Пеле одговори: Измислица е дека сум во депресија
Легендата на светкиот фудбал, Пеле ги демантираше изјавите на неговиот син Едињо дека станал депресивен поради тоа што има ограничена подвижност поради проблемите со колкот.
Во февруари, неговиот син Едињо тврдеше дека 79-годишниот Пеле не сакал да излезе од својот дом поради слабата подвижност и дека тоа придонело тој да стане депресивен. Пеле вели дека работата е „измислена“.
„Работата со депресијата, мислам дека имаше многу недоразбирања. Да, имав неколку повреди во последните години, бев на операција која ме спречуваше да се појавувам во јавност. Луѓето беа загрижени и им благодарам на тоа. Но, тогаш дојде таа измислена приказна дека сум во депресија. Да, на ова интервју дојдов со помош, но добар сум. Секако, не можам да возам велосипед, но добар сум. Не зборувам глупости“, изјави Пеле во интервју за „Си-Ен-Ен Бразил“.
Освојувачот на три Светски шампионати во блескават кариера, вели дека никогаш не верувал дека ќе има таква кариера/
„Никогаш не помислував дека ќе станам ѕвезда. Кога Сантос ме зема од БАЦ на 13 или 14 години, мислев дека е шега. Тоа ми изгледаше како нешто од друг свет кога татко ми ме однесе со автобус на тренинг, а сега фудбалерите со приватни авиони одат на тренинг“, додава Пеле.
EXCLUSIVO: ‘Nunca pensei que ia ser grande’, diz Pelé em entrevista exclusiva à CNN. Assista na íntegra: https://t.co/nunfGT2Wp1 pic.twitter.com/WbjHVpGk2U
— CNN Brasil (@CNNBrasil) March 18, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вулвс го откупија Дојл од Манчестер Сити
Англискиот играч од средниот ред Томи Дојл, кој оваа сезона е позајмен во Вулверхемптон од Манчестер Сити, ќе остане во редовите на Волвс, откако клуботреши да го откупи неговиот договор.
Дојл сезонава забележа 30 настапи во сите натпреварувања. Со Вулверхемптон потпиша четиригодишен договор. Манчестер Сити од трансферот заработи 4,3 милиони фунти.
Шампионот на Англија ќе заработи 50 отсто од следниот трансфер на 22-годишниот фудбалер, а за веќе договорената цена ќе има можност во иднина да го врати Дојл во своите редови.
Англичанецот игра на позицијата централен играч за врска.
Минатата година го освои Европското првенство за играчи до 21 година.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.