Спорт
Хабиб признава: Не знам дали воопшто ќе се бориме со Фергусон
УФЦ шампионот во лесна категорија, Хабиб Нурмагомедов се врати од САД во Русија поради корона вирусот и призна дека постои голема неизвесност за неговиот закажан дуел со Тони Фергусон на 18 април.
Нурмагомедов се врати во Русија во понеделникот откако неговата тренинг-база во Сан Хозе, Калифорнија беше затворена поради корона вирусот, и сега како сите руски државјани ќе мора да оди на 14-дневна изолација или му се заканува затворска казна.
„Не сфаќам што се случува. Каде ќе се бориме, дали ќе се бориме воопшто, и сите други детали. Никогаш не помислував на ваква ситуација“, призна Нурмагомедов во понеделникот.
УФЦ шефот Дејна Вајт постојано тврдеше дека нема да дојде до шесто откажување на долгоочекуваната пресметка во лесна категорија, а една опција е посебниот „камп“ на УФЦ во Лас Вегас, каде што секако, би се оддржал меч без публика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бањаја ја освои Каталуња, Мартин втор, Маркез трет
Актуелниот шампион Пеко бањаја победи на трката за Големата награда на Каталуња. Возачот на Дукати победи пред лидерот во првенството, Хорхе Мартин (Прамак Дукати) и Марк Макркез (Гресини Дукати).
Бањаја на најдобар начин се рехабилитира за вчерашната грешка во спринт трката, кога како лидер падна и не ја заврши трката. Италијанецот стартуваше добро, ја презеде лидерската позиција. До крајот на петтиот круг го престигнаа Педро Акоста и Хорхе Мартин.
Додека Мартин напред се обидуваше да изгради некаква предност, Бањаја се бореше со Акоста. Дебитантот не успеа да го издржи притисокот, направи грешка заврши надвор од патеката, а потоа Бањаја тргна во лов на Мартин.
Успеа да го престигне на шест круга до крајот. а потоа со речиси две секунди предност како прв ја мина целта.
Третото место му припадна на Макрз, кој имаше уште една одлична трка, бидејќи од 14.место успеа да дојде до подиумот.
Вчерашниот победник во спринт трката, Алеиш Еспаргаро, кој се повлекува на крајот од сезоната, последната трка пред своите навивачи ја заврши на четвртото место.
Генерален пласман: Хорхе Мартин (Прамак Дукати) 155, Франческо Бањаја (Дукати) 116, Марк Маркез (Прамак) 114, Енеа Бастианини (Дукати) 94…
Следната трка во Мото Гп шампионатот ќе се вози во Муџело, Италија.
Спорт
Челси сака да ја „одработи“ казната и да ја прескокне Конференциската лига
Победата на Манчестер јунајтед против Манчестер сити во финалето на ФА Купот во саботата попладне (2:1) го испрати Челзи во Конференциската лига. Сепак, англиски „Телеграф“ навестува дека Челси ќе се обиде да го прескокне ова натпреварување.
Челзи во саботата навечер на својата веб-страница и социјалните мрежи објави дека следната сезона ќе игра во Конференциската лига, но на Островот се шират шпекулации дека тоа нема да биде случај.
Се шпекулира дека Челзи би можел да го следи примерот на Јувентус од минатат сезона.
Јувентус постигна договор со Европската фудбалска унија да се повлече од Конференциската лига и со тоа практично да ја одработи казната поради прекршување на правилата на финансискиот фер-плеј.
Токму тоа го наведува „Телеграф“ во написот на Мет Лоу, кој нагласува дека УЕФА ги контролира финасиите многу построго од Премиер лигата.
Понатамошната логика е јасна, ако Челзи веќе мора да прескокне сезона во Европа, тогаш најлесно е тоа да биде сезона во третото најсилно европско натпреварување.
Дали ќе биде така и дали Њукасл ќе го замени Челзи во Конференциската лига ќе биде познато наскоро.
Спорт
Арасате ја напушти Осасуна
Тренерот на Осасуна, Јагоба Арасате, последен пат го предводеше тимот во саботата. Играчите и навивачите емотивно се простија од тренерот по натпреварот помеѓу Осасуна и Виљареал кој заврши 1:1.
„Ќе се сеќавам колку им бев драг на луѓето, а денес беше кулминација на тоа. Од понеделник почнува времето за носење одлуки“, рече 46-годишниот Арасате на прес-конференција.
Медиумите шепкулираат дека тој ќе ја преземе Мајорка или да се обиде да ја подигне Севилја.
Арасате шест години ја водеше Осасуна, која сезонава ја заврши на 10. место меѓу 20-те клубови од Примера. Засега не се знае кој ќе биде новиот тренер на Осасуна.