Македонија
ВМР0-ДПМНЕ: Здравјето и економската егзистенција на граѓаните се доведени во прашање
„Здравјето, но и економската егзистенција на граѓаните се доведени во прашање со неодговорното и нестручно однесување на власта. Политикантството не смее да ги надвладее професионализмот и хуманоста кога е во прашање борбата за живот на нашите најмили.
Зоран Заев и неговите функционери не смеат да ги казнуваат работниците и администрацијата за своите пропусти“, соопшти ВМРО-ДПМНЕ.
Според партијата, во овој период кога земјава се соочува со економска криза поради појавата на коронавирусот, најважно е да се применуваат мерки и да се донесуваат одлуки кои ќе помогнат економскиот пад да биде што поблаг и тоа да не се одрази на индустриските капацитети и стопанствениците преку отпуштање работници.
„Ситуацијата во којашто се наоѓа државата е загрижувачка. ВМРО-ДПМНЕ предлага да не се крати од платите на администрацијата поради тоа што постојат многу семејства кои едвај го поминуваат месецот. Доколку им се скрати од месечните примања тогаш тие ќе бидат на раб на егзистенција и ќе се соочат со проблеми. Најголеми носители на товарот треба да бидат функционерите, олигарсите и оние кои можат да поднесат тоа.
Поради тоа ВМРО-ДПМНЕ нуди неколку мерки и предлози кои Владата би можела да ги разгледа и усвои, меѓу кои: државата да покрие до 50% од бруто-трошоците за вработените, по основ на нето-плати и придонеси, а не само нето-плати како што предлага СДСМ. Владата да го покрие транспортниот сектор со укинување на плаќањето патарина и царински давачки покрај тоа што се огромни трошоците на транспортните компании, а приходот е речиси еднаков на нула, патарините претставуваат сериозно место каде што може да настане ширење на оваа пандемија.Да се донесе одлука за укинување на сите давачки, царински и даночни, за набавка на здравствени маски, препарати и уреди потребни за справување со коронавирусот.
Покрај овие мерки, ВМРО-ДПМНЕ има план како да се прибават средства кои ќе бидат од помош во оваа ситуација.
Покрај 600 милиони евра кои ќе се обезбедат преку позајмица од Светската банка, ММФ и странските банки, дополнително може да се обезбедат околу 400 милиони евра преку државни хартии од вредност кои ќе ги издаде Министерството за финансии, односно пасивниот капитал да се претвори во актива. Тековно, банките на сметки во НБРМ имаат огромна ликвидност и дополнително од тоа, имаат 25 милијарди денари во благајнички записи, односно околу 420 милиони евра. Тоа се краткорочни хартии од вредност издадени од Народната банка за повлекување на ликвидност од банките во услови на вишоци на ликвидност во банкарскиот систем. Кога овие средства ќе се додадат на оние веќе 600 милиони евра коишто планираме како држава да ги позајмиме доаѓаме до бројката од 1 милијарда, бројка што е доволна за граѓаните и стопанството првиот бран од кризата да не го почувствуваат катастрофално.
Република Македонија нема ниту време ниту простор за донесување погрешни одлуки. Владата треба да биде доблесна и да соработува во овие тешки моменти за македонската економија и македонските граѓани“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Се препорачува прилагодена брзина на движење поради можна појава на одрони
Сообраќајот на државните патишта се одвива непречено, по суви коловози, информираат утрово од АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.
Македонија
Апасиев за ЗНАМ и Максим Димитриевски: „Максо глуми АСНОМ, а гласаше АСНОМ да биде избришан“
,Сме си ја ставиле главата во торба кога се спротиставивме на УЧКИ, ДУИ, рекетари, мафијаши. Но ние трчаме маратон, нашата борба е долга. Нашите баби ги даваа своите деца, бидејќи немаа пари. Ги пуштаа да бидат партизани и така изградиле држава. Нема да дозволиме УЧК-ите да ни ја земат”, порача Димитар Апасиев од митинг во Охрид.
,,Нашиот народ е борбен народ. Левицата е борбена. Ќе влеземе внатре и тоа ќе го осетат и Таљат, и Таче, и Мицко и сите останати. Со 7, 8, 10 пратеници, ние ќе сме силата што ќе го пасокизира СДС. Вака како што тргнало, со Таче, под 20 ќе паднат”, рече Апасиев.
За ЗНАМ и Максим Димитриевски, Апасиев истакна дека „Максо глуми АСНОМ, а гласаше АСНОМ да биде избришан“!
На митингот во Охрид се обрати и Јована Мојсоска, носител на листа на ИЕ 5 која истакна дека влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали.
,,Мене ми е малце дегутантно кога слушам дека некој ќе го праќал ДУИ во опозиција. Тие имаа можност да ги пратат ДУИ во опозиција тука во советите, но сите бевме сведоци како се продаваше Мауцер и како локалниот шериф Нефи Усеини гради дивоградби, а градоначалникот молчи. Дури и ја сруши плочата на АСНОМ за која градоначалникот, исто, мудро молчи. Со Левица на власт ќе ја срушиме дивоградбата на Нефи и ќе ја вратиме плочата на АСНОМ”, истакна Мојсоска.
Мојсоска истакна и тоа дека Левица како единствена работничка партија е противтежа на анационалната олигархија која беше креирана во 90 – тите.
,,Нашата борба во Собранието е единствената причина зошто денес немаме Бугари во устав. Да не беше Левица, ние ќе гледавме фашистички клубови во секој град во државата. Ние ниту сме во спрега со моќниците кои се поврзани со секоја власт, ниту сме уценети и затоа нашите политички непријатели знаат дека со нас не се преговара за непринципиелни работи“, истакна Мојсоска.
Додека ја обвинуваат Левица дека е во коалиција со СДС и ДУИ, само против Талат Џафери Левица има поднесено девет тужби кои, како што истакна Мојсоска, се чуваат во фиока.
,,Само ќе спомнам против кои звучни имиња Левица поднела кривична пријава: Шкодране Дардишта, Бенито Јошевски, Артан Груби, Сали Мурати, Оливер Спасовски, Беким Максути и многу други. И Левица ќе биде факторот против бугаризацијата на Уставот додека одродените социјал-демократи ќе завршат на буништето на историјата”, рече Мојсоска.
,,Иако имаше обид од страна на бугарски структури да го воскреснат неофашизмот кај нас со отворање на клубови со фашистички наративи, ние не паднавме во духот. Напротив кога ги отвораа клубовите ,Ванчо Михајлов’ и ,Цар Борис’ се собравме и на бугарофилите им кажавме дека местото не им е тука. Особено, не по диктат на буржоазијата која купува национален идентитет и историја за ситни пари кои носат крупни гревови. Секогаш сме биле на вистинската страна, секогаш со нашето присуство, каде и да се појавиме, часовите им се избројани”, рече Горан Велевски, кандидат за пратеник во ИЕ5.
Македонија
Меѓународниот ден на трудот ќе се одбележи со првомајски протест и низа барања до новата влада
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, се дел од барањата што денеска Сојузот на синдикати ќе ги испорача на протестот организиран по повод Меѓународниот ден на трудот.
Синдикатот бара и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.
Протестот ќе почне пред Работничкиот дом, ќе продолжи пред Собранието и Стопанската комора и ќе заврши пред Владата.