Македонија
ВМРО-ДПМНЕ ја поздрави позитивната одлука на Советот на министрите на ЕУ
ВМРО-ДПМНЕ ја поздрави позитивната одлука на Советот на министрите за надворешни работи на Европската Унија за почеток на преговорите. Воедно, велат од партијата, го очекуваме и датумот за првата меѓувладина конференција со земјите членки на ЕУ.
„Европските определби се наша стратешка ориентација и претставува одлука темелена на заедничките напори на владите од потпишувањето на Спогодбата за стабилизација и асоцијација од 2001 година до сега, како и последователните 10 позитивни извештаи на Европската комисија“, се наведува во соопштението.
Како што се посочува и од самата Унија, додаваат од ВМРО-ДПМНЕ, потребно е да се исполнат голем број реформи, особено во правосудството, борба против корупцијата, економијата и заштита на стандардот на граѓаните.
„Зоран Заев и СДСМ ја понижија, омаловажија и ја опустошија Македонија, доаѓа времето кога ВМРО-ДПМНЕ повторно ќе ги направи граѓаните и Македонија горди. Добрата вест за граѓаните е што по следните парламентарни избори, владата на ВМРО-ДПМНЕ успешно ќе ги спроведе преговорите и на брза лента ќе ја внесе државата во ЕУ“, велат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.