Црна хроника
Разбиена романско-австралиска група компјутерски измамници
Австралиската полиција открила банда измамници составена главно од романските граѓани, кои украле лични податоци на околу 30 илјади Австралијци и ги користеле за изработка на лажни кредитни картички, јави во четвртокот агенцијата Fairfax.
Осомничените успеале да пробијат компјутери на повеќе од сто мали и средни компании во Австралија и да добијат пристап до податоците на нивните клиенти. Добиените лични податоци ги користеле за изработка на фалсификувани кредитни картички. Севкупно, според полицијата, измамниците успеале да извршат нелегални финансиски трансакции во износ од повеќе од 30 милиони долари. Картички биле користени во САД, Европа, Јужна Кореја и Хонгконг
Како дел од заедничката операција од страна на австралиската и романската полиција, 16 осомничени членови на бандата измамници се уапсени, а за уште седум други во судовите во Романија се подигнати обвиненија.
Како што јавува агенцијата повикувајќи се на австралиската полиција, меѓу уапсените е и Георге Игнат, осумкратен романски шампион во борење во грчко-римски стил/крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.