Забава
Луксузен хотел во Швајцарија нуди пакет-услуги „Ковид-19“

Во услугата на хотелот е вклучен минимален контакт со други луѓе. Пакетот вклучува престој во луксузен апартман, услуги на лекар специјалист, личен готвач, испорака на храна и дури и тестирање на коронавирусот.
„Ле Бију“ има 42 апартмана опремени со сауна, џакузи, камин и вежбалница, пишува „Инсајдер“.
Освен чистачите, друг персонал нема, а на гостите им се на располагање луѓе што ќе им нарачуваат храна, лични готвачи, масажери и слично.
„Сè е направено за да не мора да гледате други луѓе“, објасни директорот на хотелот, Александер Хабенер.
Тој додаде дека луксузниот пакет „Ковид-19“ е следниот логичен чекор и дека нивните гости почнале да бараат сè подолг престој и сè повеќе медицински услуги. Исто така, истакна дека ја намалиле цената на престојот.
Ноќевањето, кое чинело 960 евра, било намалено на 470 евра. Двонеделен престој чини од 5.800 до 7.500 евра, во зависност од тоа што е вклучено во пакетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Меѓу ѕвездите“: македонскиот бенд „CODE 369“ со нов албум

Македонскиот бенд „CODE 369“ од Битола, познат по својата силна музичка посебност, која комбинира фанк, џез, рок и поп, го објави својот втор студиски албум за Croatia Records – „Među zvijezdama“ („Меѓу ѕвездите“).
По успешното деби „Stages of Love“, овој нов албум го потврдува нивниот статус на еден од најсвежите алтернативни рок состави во регионот.
Автор на музиката за сите песни на албумот е Даниел Митревски, кој е и продуцент на албумот, додека текстовите се на пејачката Ирена Димовска, освен за песната „Конкретно“, кој го напиша Мила Влаисављевиќ. Албумот е снимен во студиото „Atelier“, а мастерингот е на Славко Ристески, работен во студиото Про Саунд. Визуелниот идентитет на албумот го дизајнираше Лана Ловриќ, чие уметничко решение ја следи атмосферата и пораката на албумот – патување низ емоциите и соништата.
„Албумот „Меѓу ѕвездите“ носи звук кој балансира помеѓу алтернативното изразување и комерцијалната прифатливост, притоа задржувајќи ја карактеристичната слобода, енергија и длабочина што обожавателите на бендот веќе ги препознаваат и ценат. Посебен фокус е ставен на синглот „Конкретно“, кој веќе наиде на одлични реакции кај публиката и критиката.
„CODE 369“ неодамна настапија на Деновите на Croatia Records во Македонија, каде во живо претставија неколку нови песни. Албумот досега беше достапен дигитално, а сега го има и како це-де издание, кое може да се купи и онлајн“.
Забава
(Видео) „Толку е сладок“: Бред Пит со нов имиџ

Бред Пит веќе некое време работи на промоцијата на филмот Формула 1.
Неодамна даде интервју за списанието „GQ“, каде што зборуваше за деталите од овој филм, но за прв пат проговори и за својата нова партнерка, Инес де Рамон.
he's so cute 🥹 #bradpitt pic.twitter.com/Jwzn47ACML
— vi 🐞 (Hayes') (@itshighart) June 10, 2025
Тој продолжи со понатамошната промоција во Мексико и ги воодушеви сите присутни со промената на својот имиџ.
Холивудскиот лик прошета по црвениот тепих во модерно одело во боја на лаванда, а на стајлингот додаде златен прстен и очила за сонце.
Покрај тоа, промената на фризурата беше забележлива, односно, Бред Пит покажа кратка фризура и седа брада.
Корисниците на социјалните мрежи масовно го коментираат новиот изглед на Бред Пит.
„Толку е сладок“, „Изгледа совршено“, се само некои од коментарите.
Забава
Заменете го кафето со мача – ги намалува стресот и анксиозноста

Сè попопуларен пијалок во светот, но и кај нас, е мачата, во различни варијации, која се прави од правот на истоименото растение.
Мачата се прави од горните три слоја млади листови од растението Camellia sinensis, а според експертите, консумирањето мача води до намалување на стресот и анксиозноста.
Овој смирувачки ефект на мачата најмногу се припишува на две супстанции – L-теанин и епигалокатехин галат (EGCG).
L-теанинот е аминокиселина присутна во зелениот чај која има смирувачки ефект, а бидејќи мачата е концентрирана форма на зелен чај, се верува дека L-теанинот во него има уште посилен ефект поради поголемата количина.
„Докажано е дека промовира релаксација без поспаност, со зголемување на активноста на алфа мозочните бранови и модулирање на невротрансмитерите како што се GABA, допамин и серотонин“, објаснува д-р Ли А. Фрејм.
Мачата, исто така, содржи EGCG, растително соединение кое може да помогне во намалувањето на воспалението и оксидативниот стрес, што може да биде поврзано со анксиозност.
Мачата, исто така, содржи помалку кофеин од кафето или еспресото. Кофеинот брзо се апсорбира од телото, го стимулира нервниот систем и може да ги зголеми нивоата на адреналин и кортизол, хормони поврзани со стрес.
Она што ја прави мачата посебна е присуството на L-теанин, кој ги намалува ефектите на хормоните на стрес и му помага на телото да остане смирено и фокусирано, без ненадејни напливи на енергија и нервоза.
Постојаното пиење мача може да биде корисно во намалувањето на стресот, а дури и повремена чаша од овој пијалок може да има позитивен ефект, пишува Verywell Health.
Мачата е одлична и во разни јадења како што се десерти, но EGCG и L-теанинот можат да бидат уништени од високите температури што се користат при продолжено готвење, поради што најдобро е да се консумира како пијалок.