Израелската армија го најави повлекувањето на своите копнени трупи од палестинската енклава Појасот Газа по почетокот на 72-часовниот прекин на огнот кој настапи во 7 часот наутро во вторникот, откако претходно соопшти дека е завршена една од главните цели на офанзивата – откривањето и уништувањето на подземните тунели на исламистичкото движење Хамас.
 

Израелската армија го најави повлекувањето на своите копнени трупи од палестинската енклава Појасот Газа по почетокот на 72-часовниот прекин на огнот кој настапи во 7 часот наутро во вторникот, откако претходно соопшти дека е завршена една од главните цели на офанзивата – откривањето и уништувањето на подземните тунели на исламистичкото движење Хамас.

„Израелските одбранбени сили ќе бидат разместени на одбранбени позиции надвор од Појасот Газа и тие позиции ќе ги држиме“, изјави портпаролот на израелската армија, потполковникот Петер Лернер за медиумите. Претходно ноќта кон вторникот Армијата на одбраната на Државата Израел објави дека ги уништила сите познати тунели на милитантите во Појасот Газа преку кои тие се инфилтрираат на израелска територија. „Сите тунели коишто ги откривме, се уништени“, изјави за јавната телевизија портпаролот на израелската армија. Додаде дека израелската армија во Газа „има многу други мисии коишто неопходно мора да се извршат“.

Во вторникот наутро, според сознанијата на израелските медиуми, најмалку 32 подземни премини за инфилтрација и десетици влезни дупки биле лоцирани и разнесени пред да стапи на сила примирјето коешто беше постигнато доцна претходната ноќта со посредство на Египет.

„Сите нашите сили ја напуштија Газа“, изјави генералот Моти Амлоз за израелското воено радио.

Генералниот секретар на Обединетите нации, Бан Ки-мун ја поздрави одлуката на Израел и палестинските фракции да го прифатат 72-часовнтоо примирје о ги повика двете страни да го почитуваат и да „покажат максимална воздржаност“, а САД, исто така, изразија задоволство од постигнатиот договор.

Во писмената изјава на генералниот секретар на светската организација завојуваните страни се повикуваа „што поскоро во Каиро да ги започнат преговорите за да се постигне договор за траен прекин на огнот, како и да ги решаваат проблемите кои се во сржта“. „Обединетите нации се подготвени да дадат целосна поддршка на напорите“ судирите да се надминат, се додава во изјавата на Бан.

Белата куќа го поздрави договорот за 72-часовното примирје, но објави и дека палестинското исламистичко движење Хамас, коешто САД и Европската унија го имаат ставено на листата терористички организации, мора да ги исполни своите ветувања.

Во 28-дневната офанзива на израелската армија, според прецизирани но не и конечни процени на палестински медицински извори, вкупно животите ги загубиле 1.867 Палестинци, а повеќе од 9.500 се ранети. Од ранетите, според истите извори, 2.800 се деца, над 1.800 се жени и 374 возрасни лица. Бројот на загинатите деца, на што реагираше и УНИЦЕФ, се проценува на 430.

Израел официјално соопшти дека загубил 64 војници и офицери, а тројца цивили загинале во палестинските прекугранични ракетирања.

Израел на 8-ми јули ја започна офанзивата под назив „Линија (раб – острица) на одбраната“ (Неуништлива карпа – на хебрејски) повеќе од четвртината од 1,8 милионското население на оваа најсиромашна територијална заедница во светот беше принудена да ги напушти своите домови. Три илјади станбени згради, куќи, училишта и други објекти се целосно уништени или значајно оштетени./крај/мф/сн

Извор: Макфакс