Црна хроника
Уште една голема акција против нарко-дилерите во Србија
На територијата на цела Србија во саботата трае голема акција на разбивање на каналите на групи илегални трговци со дроги, а според белградските електронски медиуми полицијата досега извршила претреси во 1.165 објекти и досега се приведени 128 лица.
Првиот потпретседател на владата на Србија, Александар Вучиќ изјавил дека утрото во саботата 4.30 часот започнала акцијата „Гром 1“, во којашто заедно со претходната слична акција „Гром“ од 6-ти декември се приведени вкупно 500 лица, меѓу кои и важни имиња во српската нарко мафија. На оние кои се сокриле или побегнале, Вучиќ им порачал дела допрва им „претстои пекол“, пренесува агенцијата Танјуг.
Републичкиот јавен обвинител Загорка Доловац изјавил дека со саботната акција се уапсени сериозни дилери на самиот врв од пирамидата и коишто сметале дека се „посилни од државата“.
Вицепремиерот Вучиќ на прес-конференцијата рекол дека нема системска поврзаност меѓу државата и криминалците на што укажува дека фактот дека ниедна информација од претходно изведената акција „Гром“ не протекла. Додал и дека во акцијата „Гром 1“ се апсени и сериски убијци, повеќекратни сторители на убиства и разбојништва, а некои се приведени поради незаконско поседување оружје.
Директорот на српската полиција Милорад Вељовиќ изјавил дека во акцијата „Гром“ станувало збор за сузбивање на растурање наркотици, но и и дека биле апсени сите коишто ја загрозуваат имотната и личната безбедност, а дека во соработка со Обвинителството било работено на случаите на 24-те спорни приватизации.
Во претходната полициската акција „Гром“ беа процесуирани 274 лица, а запленети беа повеќе од 21 килограм различни дроги. До крајот на денот се очекува уште една прес-конференција со подетални информации од акцијата „Гром 1“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.